Энэ сарын 17-ны 11 цаг 30 минутын орчимд Францын хошин шогийн “Charlie Hebdo” сэтгүүлийн байр руу Аль-Каида бүлэглэлийн алан хядагчид дайран орж буудсаны улмаас 12 хүний амь үрэгдэж, 10 гаруй хүн шархадсан мэдээлэл дэлхий нийтийг цочроосон юм. Францын цагдаагийнхан энэ хэрэгт сэжиглэгдсэн долоо, найман хүнийг баривчлан саатуулаад байгаа аж. Энэхүү аймшигт явдалтай холбогдуулан Францын Ерөнхийлөгч Ф.Олланд нийт ард түмэндээ хандан мэдэгдэл хийж, гурван өрдийн гашуудал зарлав. Мөн Аль-Каида бүлэглэлийг эсэргүүцсэн эсэргүүцлийн цуглаан Парис болон бусад хотуудад болж буй ажээ.
“Charlie Hebdo” сэтгүүл нь 1969 оноос хойш өнөөг хүртэл уншигчдын хүртээл болж байгаа долоо хоног тутмын нөлөө бүхий сэтгүүл бөгөөд одоо 140 мянган хувиар хэвлэгдэж байна. Аллагын үеэр тус сэтгүүлийн ерөнхий эрхлэгч Стефан Шарбонье болон олны танил болсон, нэр хүнд бүхий дөрвөн шог зураач амиа алджээ.
Алан хядагчдын толгойлогчдыг эрэн сурвалжилж байна. Тэдний дунд зард гарч яваа алан хягдагчид гэгдэх болсон ах дүү хоёр Куаши яваа гэдгийг цагдаагийнхан онцоллоо. Тэд Реймс хотод амьдардаг бөгөөд цагдаа нар гэрт нь нэгжлэг хийжээ. Ах дү хоёр Куаши нь бүрэн зэвсэглэсэн гэдгийг ч зарлаад байна. Өчигдөр тэдгээр алан хядагчдын зүгээс дараагийн аллага үйлдэх тухайгаа цахим хуудсуудаар дамжуулан товч мэдээлжээ.
Түүчлэн энэ сарын 8-ны өдөр Францад бас хоёр, гурван удаа ноцтой хэрэг гарав. Эргүүлийн цагдаа руу нэгэн этгээд гал нээсэн бөгөөд азаар хүний амь үрэгдээгүй ажээ. Гал нээсэн алан хядагчийг харин тэр дор нь баривчилсан байна. Мөн Парис хотын Монруже дүүрэгт болсон буудалцааны үеэр хоёр хүн шархадсан бол нэгэн зоогийн газарт тэсрэг бөмбөг тавьсан нь илэрсэн байна.
Ер нь өнгөрсөн 2014 онд дэлхийн хэмжээнд 138 сэтгүүлч ажил үүргээ гүйцэтгэж яваад гэмт халдлагад өртөн амь насаа алджээ.
Өчигдөр Монголын сэтгүүлчдийн холбоо, “National Press Club of Mongolia” байгууллагаас санаачлан Францын “Charlie Hebdo” сэтгүүлийн сэтгүүлч, уран бүтээлчдийн гэгээн дурсгалыг хүндэтгэн Чингисийн талбайд зул асуух ёслол үйлдлээ. Энэ арга хэмжээнд Францын Элчин сайдын яамныхан болон тус улсын сайн дурынхан оролцлоо.
Францын цагдаагийн байгууллагаас ойрын өдрүүдэд дахин гэмт халдлага болж болзошгүй хэмээн иргэддээ сонор сэрэмжтэй байхыг анхааруулж, хэвлэл мэдээллийн байгууллагуудыг анхаарал хяналтандаа авсан тухай энэ үеэр Монголд ирээд байгаа тус улсын сайн дурынхан хэлж байлаа.
Б.Отгонбаяр
Эх сурвалж: tumen.mn
Францын хэвлэлүүд сонины байранд халдлага үйлдсэн гэмт этгээдүүдийн зургийг нийтэд зарласан юм. Сонины байранд 34 настай Коуачи, 32 настай Черип Коуачи нар халдлага үйлджээ.
