“Эмэгтэй хүний ихэмсэг төрх, дэгжин байдлаараа загвар зохион бүтээгчийн урласан хувцсыг чадамгай илэрхийлдэг” хэмээн сайшаагдаад байгаа С.Сарнай эх орондоо ирээд удаагүй. Гэсэн ч богино хугацаанд олны анхааралд өртөөд байгаа тэрбээр арлын Японд 12 жил амьдарч, загварын тайзнаа алхсан туршлагатай модель гэдэг юм билээ. Харин ихэнх хүмүүс түүнийг “Хаан найргийн хатан” гэгддэг Соёлын гавьяат зүтгэлтэн, яруу найрагч Ш.Дулмаа гуайн ач охин гэдгээр нь мэддэг болоод байгаа нь нууц биш.

Эх орондоо ирсэн даруйдаа “Playboy Mongolia” сэтгүүлд зориулан тун ч зоригтойгоор нүцгэлж байсан загвар өмсөгч С.Сарнай төд удалгүй дахин эротик зураг авахуулж олны анхаарлыг татсан. Харин сүүлийн үед улс төр, бизнесийн эрхмүүд цугласан томоохон арга хэмжээнд ихэвчлэн уригдах болсон түүнийг ихэнх олны танил бүсгүйчүүдийн нэгэн адил улс төрд хөл тавихаар зэхэж буй хэмээн хардах хүн ч цөөнгүй байна.

“Азийн супер модель-2014” олон улсын наадмаас Гран при шагнал гардсанаар олны танил мисс, топ моделиудын эгнээнд төвөггүйхэн багтсан модель бүсгүйн олонд дэлгээгүй сонирхолтой зургуудаас хүргэе.