Хүнс, хөдөө аж ахуйн яам, тариалан эрхлэгчдийн холбоо, тариаланчдын дунд ширүүхэн мараан үүсээд байлаа. Өнгөрсөн намраас эхэлсэн энэ маргаан  Оросоос импортын улаан буудай, гурил худалдан авах тухай асуудлаас үүссэн байв. Гэхдээ яам, мэргэжлийн холбоод нь хамтран хэлэлцээд импортын улаан буудай авахгүй байхаар тохиролцсон атал саяхан Хүнс, хөдөө аж ахуйн яамнаас гурил үйлдвэрлэгчдэд 20 мянган тонн улаан буудай импортоор авах квот өгсөн нь маргааныг дахин сэдрээсэн  юм. Иймээс Ерөнхий сайд Ч.Сайханбилэг  Хүнс, хөдөө аж ахуйн яамны сайд Р.Бурмаа болон тариалан эрхлэгчид, гурил үйлдвэрлэгчдийн төлөөлөлтэй уулзаж, нөхцөл байдалтай нь танилцаад импортын улаан буудай, гурил импортоор авахыг түр хойшлуулжээ. Ерөнхий сайд Ч.Сайханбилэг  мөн одоогоор борлуулагдаагүй байгаа дотоодын улаан буудайн цавуулаг чанарыг лабораторийн шинжилгээгээр нарийвчлан тогтоохыг үүрэг болгосон байна.

Б.Баяр

Эх сурвалж: Tumen.mn