Замын хөдөлгөөний дүрэм зөрчин замын голд 30 минут машинаасаа буухгүй сигналдан зогссон нэгэн бүсгүй цахим ертөнцийн од болж байна. Түүний талаар замын хөдөлгөөний дүрэм зөрчигчдийн мэдээллийг хүргэдэг “Paparazzi+Traffic Mongolia” фейсбүүк групп видео орж, цагдаагийнхан тайлбар хийснээр тэрээр олны анхааралд өртсөн юм.

Замын цагдаатай муур хулгана болж тоглосон энэ бүсгүй УИХ-ын гишүүн Ш.Сайхансамбуугийн хамаатан гэнэ. Гадаад сурдаг, ганган машин унадаг бүсгүй тухайн өдөр   0164УБҮ улсын дугаартай Венз G-500 маркийн автомашинтай  17:20 орчим skytel-ийн гарцнаас дугаарын хязгаарлалтай өдөр Нийслэлийн засаг даргын захирамж зөрчиж явах үед нь цагдаагийн алба хаагч шалгахаар зогсоожээ. Гэвч тэр  зохицуулагчийн дохиог зөрчин зугтаж дараагийн постонд зогсооход шаардлага биелүүлж бичиг баримтаа шалгуулахгүй цагдаагийн алба хаагчийн хууль ёсны шаардлагыг биелүүлээгүй зам хааж зогссон хэмээн тайлбарлаж байна. Хамгийн сонирхолтой нь torguuli.mn сайтад түүнийг ердөө л 1500 төгрөгөөр торгосон гэсэн мэдээлэл тавигджээ. Улаан гэрэл зөрчлөө гэж найман мянгаар торгодог замын цагдаа баян айлын эрх охиныыг 1500 төгрөгөөр торгоод их л том арга хэмжээ авсан гэж бодож байгаа юм байх даа.

Эх сурвалж: Shudarga.mn