Нийслэлийн зам засвар, шинэчлэлийн ажлын хүрээнд энэ онд Нарны замыг 19-р хороололтой холбохоор төлөвлөжээ.  Мөн Өлзийт хороолол-Шувуун фабрик чиглэлийн 9.06 км авто зам, Төмөр замын урдуурх хэвтээ тэнхлэгийн гол замын үргэлжлэл 6.0 км авто замыг засварлахаар болжээ.  Харин Дүнжингарав худалдааны төвийн замаас Улиастайн замын уулзвар хүрэх, 19-р хорооллын арын зам болох 1.5 км замыг шинээр тавихаар болсон байна.  Энэхүү зам шинээр тавих, засварлах ажилд нийслэлийн төсвөөс 30 тэрбум төгрөг зарцуулахаар Нийслэлийн Авто замын газраас төлөвлөжээ.