НМХГ-ын дэд даргын баталсан “Сар шинийн баярыг угтаж урьдчилан сэргийлэх хяналт хийх” удирдамжийн хүрээнд БЗД дэх МХХ-ээс гаргасан хяналт шалгалтанд хамрагдах “Жуков”, “Баянзүрх”, “Жанжин”, “Итгэлт” худалдааны төвүүдэд хуваарийн дагуу Монгол улсын “Төрийн хяналт шалгалтын тухай”, “Ариун цэврийн тухай”, “Хүнсний тухай”, “Хүнсний бүтээгдэхүүний аюулгүй байдлыг хангах тухай” хууль тогтоомж болон эрх бүхий байгууллагаас гаргасан стандарт, дүрэм журмын хэрэгжилтэнд хяналт тавьж илэрсэн зөрчлийг арилгуулж, мэргэжил арга зүйн зөвлөгөө өгөх зорилгоор хяналт шалгалтыг хийлээ.

Хяналт шалгалтыг БЗД дэх МХХ-ийн хүнсний чанар аюулгүй байдлын хяналтын улсын байцаагч, эрүүл ахуй халдвар судлалын хяналтын улсын байцаагч, ургамал хорио цээрийн хяналтын улсын байцаагчид компанийн менежер, эрүүл ахуйч эмч , малын эмч нарыг байлцуулан нийт хүнсний худалдаа үйлчилгээ эрхэлдэг 274 лангуу, павильонд урьдчилан сэргийлэх хяналт шалгалтыг явууллаа.

Шалгалтын явцад “Жуков” худалдааны төвд худалдаалагдаж байсан түргэн гэмтэж чанар байдлаа алдсан 13 нэрийн 29 кг 233,9 мянган төгрөгний бүтээгдэхүүнийг тухайн компанийн дотоод хяналтын ажилтнууд устгаж актаа ирүүллээ.
Шинжилгээ баталгаагүй 6 нэрийн төмс хүнсний ногоо, 9 нэрийн жимс, жимсгэнэ, 1 даршилсан ногоо, сүү сүүн бүтээгдэхүүний 5 дээж, цагаан идээний 6, мах махан бүтээгдэхүүний 3, бууз баншны 11 дээж авч, НМХГ-ын Төв лабораторид бохирдлын үзүүлэлт тодорхойлуулахаар шинжилгээнд хамруулаад байна.

Эх сурвалж: Tumen.mn