Онцгой байдлын албаны удирдах ажилтны зөвлөлгөөний үеэр иргэдийн төдийлөн анзаардаггүй, нэлээд сонирхолтой тоон үзүүлэлтүүд яригдлаа. ОБЕГ-ын судалгаагаар жилд дунджаар 30 орчим удаагийн цаг агаарын аюултай үзэгдэл тохиолдож буй ажээ. Тэр бүгдэд онцгойнхон хамгийн түрүүнд очиж  тэмцдэг.  Сүүлийн гурван жилийн хугацаанд тус албаныхан 9 мянга гаруй хүний амийг аварчээ. Мөн 80 гаруй тэрбум төгрөгийн эд хөрөнгийг гал,  ус, байгалийн бусад гамшгаас хамгаалж чадсан байна. Гэтэл ийм хүнд албанд зүтгэж байгаа албан хаагчдынх нь цалин хангамж, хөдөлмөр хамгааллын нөхцөл  хүнд хэвээр байгаа юм. Энэ жил тэдний техник, хувцас хэрэгслийг шинэчлэн сайжруулахад 20 тэрбум төгрөг зарцуулахаар болсон. Гэвч улсын хэмжээнд аврах, гал унтраах техник тоног төхөөрөмж, хувцас хэрэгслийг шинэчлэх ажил дөндөж 30 хувьтай яваа юм байна. Энэ бүгдийг 100 хувь хангахад даруй 240 тэрбум төгрөг  шаардагдах ажээ.

Б.Баяр

Эх сурвалж: Tumen.mn