Эзэн Чингис хаанаараа овоглосон “Их Засаг” Олон улсын их сургууль үндэстнийхээ бахархал болж Их британий магадлан итгэмжлэх үндэсний зөвлөлийн (British accreditation council) шалгуур үзүүлэлтүүдийг монголоос төдийгүй төв азийн их дээд сургуулиудаас анх удаа бүрэн хангаж ОУ-д магадлан итгэмжлэгдсэн байна.
Дээд Боловсролын Магадлан Итгэмжлэл явуулдаг Их Британийн Магадлан Итгэмжлэх Үндэсний зөвлөл (www.bac.org) нь 1984 онд үүсэн байгуулагдсан ба Британийн Засгийн Газраас хүлээн зөвшөөрөгдсөн боловсролын магадлан итгэмжлэлийн үйл ажиллагаа явуулдаг Их британий хамгийн анхны магадлан итгэмжлэх байгууллага юм.
Их Британийн Магадлан Итгэмжлэх Үндэсний Зөвлөл нь 2009 оноос эхлэн ENQUA (Association for Quality Assurance in Higher Education) буюу Дээд Боловсролын Чанарын Баталгаажуулалтын Европын Холбооны салбар байгууллага болсон бөгөөд 2006 онд INQAAHE (The International Network for Quality Assurance Agencies in Higher Education) буюу Дээд Боловсролын Чанарын Баталгаажуулалтын Байгууллагуудын Олон Улсын Сүлжээнд гишүүнээр элссэн. Мөн QAA (Quality Assurance Agency for Higher Education) буюу Дээд Боловсролын Чанарын Баталгаажуулалтын Байгууллагатай хамтран ажиллах Санамжийн бичигт гарын үсэг зуран ажиллаж байгаа Их британий үндэсний хэмжээний хамгийн том магадлан итгэмжлэх байгууллага учраас цаашид Их засаг ОУИС-ыг төгссөн төгсөгчид Европид болон Их британид кредитээ шилжүүлэн суралцах, олон улсын түвшинд өрсөлдөн ажиллах бүрэн боломжтой болж байна.
Их Засаг ОУИС түүхэн 20 жилийнхээ босгон дээр дэлхийн сургууль болсон энэхүү гайхамшигт ёслолын үйл ажиллагаагааг Улсын Драмын Эрдийн театрт зохион байгуулж тус арга хэмжээнд Англид сургууль төгсөгчдийн холбооны тэргүүн УИХ-н гишүүн С.Оюун, Их Британи, Умард Ирландын нэгдсэн вант улсын элчин сайдын яамны зөвлөх Люиз Эдвардс, нарийн бичгийн дарга Мартин Батлер, Америкийн Монгол судлалын төвийн суурин захирал Марк Тассе, Импати группын гүйцэтгэх захирал Ихсан Акар болон гадаад дотоодын олон нэр хүндтэй зочид төлөөлөгчид оролцож баяр хүргэлээ.
Их засаг Олон Улсын их сургууль 2012 онд анх тус байгууллагаар магадлан итгэмжлүүлэх хүсэлтээ гаргаж 3 жилийн хугацаанд бүрэн стандартыг хангаж чаджээ.
Тус байгууллага дараах үзүүлэлтээр магадлан итгэмжилдэг. Үүнд:
- Бүх шатны удирдлага, хүний нөөц, захиргаа;
- Сургалтын үйл ажиллагаа; сургалтын хөтөлбөр
- Оюутандаа үзүүлэх үйлчилгээ, оюутны сэтгэл ханамж, нийгмийн асуудал;
- Материаллаг бааз.
Эх сурвалж: Photonews.mn
