Таван толгойн хөрөнгө оруулагчид нэгэнт тодорч, гэрээний төслийн  хэлэлцүүлгийн  хоёр дахь шат эхлээд байгаа. Гэвч улс төрийн хэрүүлийн алим болж буй нь илт ажээ. Монгол улсын сайд М.Энхсайхан энэ талаар сүүлийн өдрүүдэд мэдээлэл хийсээр байна. Таван толгойн 51 хувийг монголчууд эзэмших учиртай. Гэтэл эдийн засаг, санхүүгийн боломжгүй нөхцөл үүсч буй аж. Эрдэнэс Таван толгой компани  800 орчим сая ам.долларын өртэй болчихоод байна. Мөн тус компанийн 20 хувийг ард түмэндээ хувьцаа болгож өгсөн.  Уг нь иргэн бүр 1072 ширэг хувьцаа авах ёстой ч энэ нь өнөөдрийг хүртэл шийдэгдсэнгүй. Хөрөнгө оруулалтын хэлэлцээрийн явцад үүнийг шийдэж болох ч УИХ-аар  хэлэлцүүлэх  шаардлага тулгарчээ. М.Энхсайхан “УИХ-ын  шийдвэрт өөрчлөлт орохоос нааш 1072 ширхэг хувьцааг амилуулахад хэцүү” гэж байна. Гол нь хөрөнгө оруулалтын хэлэлцээр хэрхэн шийдэгдэхээс  уг  асуудлын хувь заяа шалтгаалах ажээ.

Б.Баяр

Эх сурвалж: Tumen.mn