Нийслэлийн Сонгинохайрхан дүүргийн нутгаас занданшуулсан шарилыг зарах гэж байсан тухай урьд нь мэдээлсэн билээ. Энэхүү шарилын талаарх шуугиан Монголоос хэдийнээ хальж, дэлхийн өнцөг булан бүрд суугаа эрдэмтэн суудлаачдын анхаарлыг татаж байна. Манай зарим эх сурвалжууд энэхүү шарилыг  Архангайн Цахир сумаас 70 гаруй км зайд байсан Өвгөн гэсэр ламын шарил  байж болзошгүй гэж байгаа. Бурханч лам Г.Пүрэвбат нарын бүрэлдэхүүнтэй ажлын хэсэг уг шарил хэн гэдэг гэгээнтэн, хутагт  хувилгааных болохыг тогтоохоор  ажиллаж байна. Харин саяхан гадаадын зарим хэвлэлүүдэд Дээрхийн гэгээнтэн Далай ламын эмчээр ажилладаг, бясалгал судлаач, доктор Барри  Керзин “Бясалгалч хүн ийм байрлалтайгаар удаан сууж чадвал бурхан будда болдог” гэсэн бол буддын шашны өөр шинжээчид “Гүн бяслагалд орсон лам хүн дотоод энергийн хүчээр биеэ муудуулахгүй хэдэн мянган жил ийм суугаа байдлаар байж чаддаг” гэжээ. Үүнийг нь будда, бясалгал  судлалд тукдам буюу үхэл амьдарлын дунд орших гүн бясалгал гэж нэрлэдэг аж. Энэхүү бясалгалд байгаа хүний цогцос амьтай гэх үндэслэл байдаг юм байна.

Б.Баяр

Эх сурвалж: Tumen.mn