Иорданы нисэх хүчний командлагч Исламын хэт даврагсдын шатааж алсан нисэгч Муат аль-Касесбегийн өшөөг авлаа хэмээн мэдэгдэв.

“Исламын төр” хэт даврагсад шатаан, тамлан алж буй нисэгчийн видео бичлэгийг олон нийтийн сүлжээнд тавьснаас хойш Иорданы армийн нисэх хүчнийхэн тус бүлэглэлийн байршил руу нийт 56 удаагийн агаарын дайралт хийж өөрийн нисэгчийн өшөө хорслыг авлчээ.

Агаарын цэргийн нисэх хүчний командлагч Мансур аль-Джабур хэлэхэдээ: -“ Тэдний гарт амь насаа зэрлэгээр алдсан нисэгчийнхээ гэгээн дурсгалд зориулан манай дайчид өшөөгөө авна гэж тангарагласан юм” хэмээн мэдэгдээд “манай сөнөөгч нисэгчид тэдний зэвсгийн болон шатахууны агуулах, исламчуудын орогнож буй байр, казарм, алан хядах бэлтгэлээ базаадаг тусгай лагеруудыг нь устгалаа” гэж онцлон тэмдэглэсэн байна.

Түүнчлэн Иорданы арми өнгөрсөн оны есдүгээр сараас эхлэн Сири, Ирак улсын газар нутгийн багагүй хэсгийг эзлэн түрэмгийлж байгаа “Исламын төр” хэт даврагсдын эсрэг байлдааны ажиллагаанд тогтмол оролцсоор ирсэн ба 7 000 гару хэт даврагсдыг устгаад байна. 

Амман хтод сэтгүүлч, сурвалжлагч нартай уулзахдаа: -“Бид эдгээр хэт даврагч, алан хядагчдыг газрын хөрснөөс бүрэн арчиж дуустлаа тэдэнтэй байлдсаар бахй болно” гэж хэллээ.
Өнгөрсөн бямба гарагт Арабын Нэгдсэн Эмират улс тэдний энэ тэмцлийг дэмжиж Иорданы Агаарын нисэх хүчний харьяалалд Ф-16 онгоцны эскадриль шилжүүлж байгаа тухайгаа мэдэгдсэн юм.

Харни ням гарагт америкийн төрийн нарийн бичгийн дарга Керри хэлэхдээ: -“Эдгээр Исламын хэт даврагсдын хийж байгаа харгис үйлдлийг дэлхий нийт харж байна. Тэдний экстремист үйл ажиллагааг хэн ч хүлээн зөвшөөрөхгүй, зөвтгөхгүй ёсгүй” хэмээн хэлсэн байна.

Г.Чугаа