нийтлэсэн Admin
АН-ынхан хуваагдсаар. Тус намын хамгийн хүчирхэг гэгддэг “Алтан гадас”-аас хэд, хэдэн гишүүн өрх тусгаарлаж шинээр фракц байгуулаад байгаа.
Тодруулбал, ЗГХЭГ-ын дарга С.Баярцогт Ерөнхий сайд найзтайгаа нийлээд өсч, өндийсөн “Алтангадас” фракцаа хаяад явсан сураг бий. Тэдний байгуулж буй фракцийн нэр нь “Соёмбо”.
Тэгвэл тэднээс гадна УИХ-ын гишүүн Ц.Оюунгэрэл, Ш.Түвдэндорж, Л.Болд нар нийлж “Жи МОАХ” нэртэй фракцийг байгуулжээ. Баттай эх сурвалжийн мэдээлж буйгаар тэд уг фракцаа нилээн олон сарын өмнө байгуулсан гэнэ. Хүмүүс тус фракцийн нэрийг янз бүрээр тайлбарлаж байгаач олонх нь “Жи” хэмээх үгийг жижиг хэмээн тайлж байгаа юм. Гэхдээ уг үг нь жижиг биш “Жинхэнэ” гэсэн утгатай.
Тэд МОАХ фракцийг дүрмийн дагуу байгуулагдсан жинхэнэ фракц биш хэмээн үзэж байгаа аж. Мөн Х.Баттулгыг Эрэлийн намаас орж ирээд МоАХ-ыг өмчилж, дарга нь болсон. Харин бид бол “Жинхэнэ МоАХ” гэж байгаа юм байна.
Х.Баттулгын хувьд УИХ-д орж ирэхдээ Б.Эрдэнэбатын буюу Эрэлийн намаас орж ирсэн байдаг. Гэхдээ явцын дунд Б.Эрдэнэбатыгаа хаяад АН-д элссэн. Нэг хэсэг Сингапураас Монголдоо ирж чадахгүй болж, хууль цагдаагийнханд баригдах хүртлээ асуудалд орж байхад нь АН ивээлдээ авч хамгаалж үлдсэн гэдэг.
Нэрнээсээ эхлээд үгүйсгэсэн, сөргөөлдсөн тус фракцынхан өөрсдийгөө хүчирхэг байж чадна хэмээн үзэж байгаа гэнэ. Ш.Түвдэндоржийн хувьд өнгөрсөн хавраас Х.Баттулгатай харилцаа муутай болсон байдаг. Тодруулбал, Х.Баттулгыг “давхар дээл”-ийг эсэргүүцээд Засгийн газрын гишүүнээсээ сайн дураараа огцорсон үед Ш.Түвдэндорж түүнээс зайгаа барьж оронд нь сайдын суудалд нь очоод суучихсан. Үүнээс болж Х.Баттулга Ш.Түвдэндоржийг урвагч хэмээн дуудаж байсан удаатай.
Тиймээс тэрбээр харилцаагаа бүр салгаж уг фракцыг толгойлон байгуулжээ. Ц.Оюунгэрэл, Ш.Түвдэндорж нарын хувьд МоАХ-д харъяалагдаж байгаад Алтангадас руу орсон. Харин Л.Болд, Г.Батхүү нарын хувьд Чандмань хэмээх шинэ фракцад байсан билээ. Тэднийг өрх тусгаарлахад УИХ-ын дарга З.Энхболд нөлөөлсөн байх магадлалтай аж. Учир нь З.Энхболд АН доторх “Шонхор” фракцийг тэргүүлдэг. Одоо АН-ын даргын ажлыг гүйцэтгэж байгаа. Тэгэхээр тус нам доторх эрх, мэдэл нь улам их болсон гэсэн үг. Тиймээс өдрөөс өдөрт сульдаж байгаа Алтангадас фракц З.Энхболдоос болж бүр хүчгүйдэхээс нь өмнө гарч мөрөө хөөхөөр шийдсэн бололтой юм.
Эх сурвалж: 24tsag.mn
