нийтлэсэн Admin
Хятадын шүүх 19 жилийн өмнө тухайн үед 18 настай байсан бүсгүйг хүчирхийлж, улмаар амийг нь бүрэлгэсэн хэрэгтэнд цаазын ял оноолоо. Синьхуа агентлагийн мэдээлж буйгаар Өвөр Монголын өөртөө засах орны Хөх хотын шүүх эдүгээ 42 настай Зао Зихонг гэгчид бусдын амийг бүрэлгэж, хүчирхийлж, дээрэмдсэн гэх үндэслэлээр цаазын ял оноожээ.
Хэрэгтэн 2005 онд баривчлагдсаныхаа дараа хүчин болон хүн амины хэргийг удаа дараа үйлдсэнээ хүлээсэн байдаг. Түүний өөрөө хүлээсэн хэрэгт 1996 онд Хөх хотын нийтийн бие засах газарт хүчиндүүлж амиа алдсан бүсгүйн хэрэг ч мөн байсан аж.
Гэвч, тухайн үед 18 настай байсан Хөгжилт гэх өвөр монгол залууг тус хэрэгт хилсээр гүтгэн цаазалсан байсан юм. Хөгжилт нь 1996 онд нийтийн бие засах газарт 18 настай бүсгүй бусдад хүчирхийлүүлсэн байдалтай амиа алдсан байхыг олоод цагдаад мэдэгдсэн байдаг ч, цагдаа нар түүнийг гүтгэн цаазалсан байна.
Харин хэргийн жинхэнэ эзэн, гаж донтон алуурчин баригдсанаар өвөрмонгол залуу буруугүй болох нь тогтоогдож, түүний эцэг, эхэд БНХАУ-ын Шүүхээс олгосон нөхөн төлбөр болох хоёр сая юанийг олгосон байна.
