С.Баярцогт гишүүн буримдалтай байна. Тэрбээр “Америкийн Painter law firm компаниас  “Эрдэнэс Оюу толгой”-д хуулийн зөвлөгөө авах зорилгоор төсвөөс  17 тэрбум 45 сая төгрөгийг тус компани руу шилжүүлэх болсон нь өмнөх Засгийн газрын үед шийдэгдсэн зүйл” хэмээн өөрийгөө өмөөрч байна. Иймээс УИХ-ын таван гишүүн үндэслэлгүйгээр гүтгэсэн гэж тэр үзжээ. Харин Засгийн газрын Хэрэг эрхлэх газрын даргаас нь огцруулах тогтоолын төслийг УИХ-д өргөн барьсан таван гишүүнийг дэмжсэн  “Шударга ёс” эвслийнхэн завсарлага аваад байгаа. Гэвч С.Баярцогт “Намайг эд нар хангалттай доромжилж гүтгэлээ. УИХ, Засгийн газрын нэр хүндэнд халдаж байна.  Тиймээс шүүх болон Үндсэн хуулийн цэцэд хандана” гэв.  Тэгвэл үүнийх нь хариуд “Шударга ёс” эвслийн бүлгийнхэн  Америкийн Painter law firm компанитай холбоотой  асуудлыг сайтар судалж үзэх санал тавьжээ.

Б.Баяр

Эх сурвалж: Tumen.mn