Тагнуулын албаныхнаас  сүүлийн жилүүдэд эрүүгийн хэргээр шалгагдаж, зарим нь цагаадаж, зарим нь ял эдэлж байна. Сөрөх тагнуулын газрын даргаар ажиллаж байсан В.Нямхандыг хоёр жил гаруй хугацаанд шалгасан. Түүнийг Хятадын тусгай албадад мэдээлэл өгсөн, тагнуулын хууль, журам зөрчсөн байж болзошгүй хэмээн сэжиглэж байсан юм. Гэвч  гэм буруугүйг нь  шүүхээс  тогтоожээ. Иймд туршлагатай тагнуулч В.Нямханд нь олон сар хоригдож, эрүүл мэнд, сэтгэл санааны хохирол амссан тул энэ бүх хохирлоо 200 сая төгрөгөөр үнэлж, төрөөс гаргуулж авахаар иргэний шүүхэд нэхэмжлэл гаргажээ.

Б.Баяр

Эх сурвалж: Tumen.mn