40 мянгатын байрны орцыг шинэчлэн засчээ/фото/

M.A.D. Investment Solutions -ийн оршин суугчдаас зөвшөөрөл аван 40 мянгатын байрны орцыг шинэчлэн зассан тухайгаа дуулгалаа.
Тэд энэ тухай “Бид та бүхэнд 40 мянгатын байрны орцыг шинэчлэн зассан анхны ажлаа танилцуулахад таатай байна. Энэхүү ажлыг бид өөрийн хөрөнгөөр бүрэн санхүүжүүлсэн.

Энэ ажил маань сайн үйлсээр олны хүртэх үр ашгийг нэмэгдүүлж, хамтын үнэ цэнэ бий болгоход эрмэлзэж байгаагийн маань нэгээхэн илрэл болж байгаа юм. Төсөлдөө 40 мянгатын байрны 15 орцыг 12 сарын хугацаанд багтаан сэргээн засварлахаар төлөвлөж байна (УИД-ын ойр орчмын). Энэхүү төслийн хэрэгжилтийг хангах аваас орчин нөхцөл муу байрны орцуудыг сэргээж, оршин суугчдын амьдрах ая тух, эрүүл орчныг хангаад зогсохгуй Улаанбаатар хотынхоо түүхэн өв болсон барилгуудыг хамгаалахад зохих хувь нэмэрээ оруулна гэдэгт итгэлтэй байгаагаа илэрхийлье” гэжээ.

Ингээд завсар хийж бэлэн болсон эхний орцны фото зургийг үзэцгээе. 40 мянгатын 68-р байр:

Эх сурвалж: www.dorgio.mn