Н.Энхбаяр битүүний өдөр гэнэт эх орондоо ирж, Монгол бөхийн өргөөнд  бөхийн барилдаан  үзээр орсон нь хүмүүсийг алмайруулж орхисон юм. Ерөнийлөгч Ц.Элбэгдорж  бүр ч их цочирдсон харцаар түүн рүү ширтсэн бичлэг цахим ертөнцийг шуугиулж байна. Н.Энхбаяр бөх үзэхээр тэнд орохдоо эхлээд  Ц.Элбэгдорж нарын  сууж байсан тус өргөөний  хойт талын суудал руу явж очихыг завдахад хамгаалагчид хавьтуулаагүй юм билээ. Тэгэхээр  нь буцаж гараад урд талаас нь орж, өөдөөс  нь харан суужээ. За энэ ч яахав.  Харин өчигдөр Н.Энхбаярыг АТГ-ын Мөрдөн шалгах хэлтсийн мөрдөн байцаагч Эрдэнэсайхан, Ганбаяр нар баривчлан саатуулахыг завдсан байна. Н.Энхбаяр тухайн үед МАХН-ынхаа байранд хүмүүстэйгээ уулзаад сууж байсан гэж эх сурвалж хэлж  байгаа. АТГ-ынхан нь болохоор “Бид Н.Энхбаяраас албан ёсны тайлбар авах гэсэн юм” гэжээ. Энэ талаар тус намаас өнөөдөр дэлгэрэнгүй мэдээлэл хийх аж.

Б.Баяр

Эх сурвалж: Tumen.mn