Арлын оронд сурч боловсорсон гэгддэг А.Урангоо “UA Consulting” компанийн захирлаар ажиллан, орчин цагийн бизнесмэн хатагтай нарын тэргүүн эгнээнд бичигдэх болсон. Эх орондоо ирсэн цагаасаа эхлэн их аварга Д.Дагвадоржтой нэр холбогдож, ээлжит амрагаар нь “тодорч” явсан энэ бүсгүй зарим хэвлэлд мөнгө төлж, өөрийнхөө тухай сенсаацитай мэдээлэл гаргаж байсан нь ч нууц биш.
Аваргын нэрээр танигдсан бизнесмэн бүсгүй богино хугацаанд олны анхаарлын төвд орсноос гадна 100 гаруй загварын гутал цуглуулж, гоёл зүүсгэлийн “Uran” брэндийн бүтээгдэхүүнийг ч охид бүсгүйчүүддээ зориулж яваагаа хэвлэлд дэлгэсэн. Түүнийг нэгэнтээ “Танхай эмээ” нэрээр алдаршсан эрхэм “Твиттерийн хатан хаан”-аар тодруулан, багагүй нэр хоч зүүлгэсэн нь бий.
Ийн элдэв нэр хоч, өмсгөл гоёлоороо “од” болж буй захирал бүсгүй маань саяхнаас хөл хүндтэй зургаа цахим ертөнцөд байршуулан, хэрэндээ л сенсааци тариад амжив. Тэрбээр "Сүүлийн хоёр жил амрахаа ч мартан ажиллалаа. Одоо ээж болох цаг минь ирсэн гэж бодож байна" гэж бичжээ.
Эх сурвалж: Photonews.mn
