Цагаан сарын үеэс эхлэн  дэгдсэн салхи, шуурга хүний аминд хүрч буй. Шуурганд төөрсөн зарим нь олдоогүй байлаа. Тэднийг эрж  хайх ажил үргэжилсээр байсан юм. Харин өчигдрийн байдлаар Дундговь аймгийн Сайнцагаан сумын ерөнхий боловсролын сургуулийн 11 ангийн сурагч “Ц” нь сумынхаа төвөөс 2 км-ийн зайд нас барсан байжээ. Эрлийн багийнхан түүний цогсыг олж авсан бөгөөд цагдаагийн ажилтнууд  хэргийг шалгаж эхлээд байгаа аж.

Тэгвэл Булган аймгийн Орхон сумын “Баруун бэл” гэдэг газар амьдарч байсан малчин залуу өнгөрсөн сарын 24-өөс ойш олдоогүй байв. Аймгийн Онцгой байдлын хэлтсийнхэн эрлийг шаргуу зохион байгуулснаар өнгөрсөн бямба гарагт  түүний цогцсыг гэрээс нь 6 км зайтай газраас олжээ.

Б.Баяр

Эх сурвалж: Tumen.mn