Ерөнхийлөгчийн зарлигаар улсын начин Б.Суманчулуун, Б.Адъяабат нар цолоо хураалгав. Үндсний их баяр наадмын барилгааны шөвгийн 16 бөхөд допингийн шинжилгээ хийсэн нь нэлээд маргаан, шуугиан дагуулж байлаа. Ардын хувьсгалын 93 жилийн ойн барилдаанд зодоглож амжилт гаргасан тэдгээр бөхчүүдийн шинжилгээний эцсийн хариуг бөхдөө хайртай хүн бүр л тэсэн ядан хүлээж байсан юм. Өнгөрсөн сарын эхээр хариу нь иржээ. Солонгос улсын итгэмжлэгдсэн төв лабораторийн шилжилгээний дүнгээр Б.Суманчулуун, Б.Адъяабат нар допинг, түүнтэй төстэй зүйл хэрэглэсэн нь тодорхой байв. Иймээс энэ дүнг үндэслэн Ерөнхийлөгч Ц.Элбэгдорж зарлиг гарган эдгээр хоёр бөхийн цолыг хураажээ.

Б.Баяр

Эх сурвалж: Tumen.mn