Канадад бүртгэлтэй “Саусгоби сэндс” компанийн экс удирдлагын гурван хүнд Ерөнхийлөгч Ц.Элбэгдорж уучлалт үзүүлж,  ялаас чөлөөлсөн нь нийгэмд нэлээд маргаан үүсгэв. Хорих ял эдэлж эхлээд сар ч болоогүй байсан Ж.Капла нар эх орон руугаа баяртай нь аргагүй буцлаа. Харин тэдний татвараас бултуулсан гэх 35 тэрбум төгрөгийг төлөх эсэх нь эргэлзээ төрүүлж эхэлжээ.

“Саусгоби сэндс” компани нь эрүүгийн давж заалдах шатны шүүхэд тэрхүү 35 тэрбум төгрөгийг төлөх үндэслэлгүй гэсэн гомдол гаргав. Үүнийгээ “Шинжээчийн дүгнэлтээр ийм хэмжээний татвар нуусан гэж дүгнээгүй. Харин 35 тэрбумын нөхөн татвар төлөхөөр байгаа гэж дүгнэсэн. Татвар нуусан, зардлын тоо хэмжээг зориудаар нэмсэн, татварт ноогдох орлогыг зориуд бууруулсан гэдэг дүгнэлт гаргаагүй. Үүнийг нь мөрдөн байцаалтын  үед компанийн удирдлагууд тодорхой хэлж байсан” гэж тайлбарлаж байгаа ажээ. 

Б.Баяр

Эх сурвалж: Tumen.mn