УИХ-ын гишүүн Г.Уянга нар мэдээлэл хийхдээ дээрх үгийг  тун шазруун,  тод хэллээ. УИХ-д бие даагч гишүүд ч “Саусгоби сэндс”-ийн Ж.Капла нарын 35 тэрбум төгрөгийг төлүүлэх ёстой гэж үзэж байгаа бөгөөд тэднийг ял эдэлж байхад нь суллаж явуулсан нь хуульд нийцэхгүй гэлээ. Тиймээс   Ж.Капла, Дэвид, В.Кажуком нарыг  уучилсан Ц.Элбэгдоржийг эсэргүүцэж байгаа аж.

Усаа хамгаалахын төлөө олон жил тэмцэж, адаг сүүлд нь гэмтэн болж ял эдэлж суугаа Ц.Мөнхбаярт уучлалт үзүүлэх нь шударга ёсонд илүү нийцтэй хэмээн тэд  үзжээ. Ц.Мөнхбаяр нарын тэмцэл, шаардлагын дагуу Дээд шүүхийн тогтоол гарч, “Урт” нэртэй хуулийг  хэрэгжүүлж  ажиллахыг  тухайн үед Засгийн газарт даалгасан байв. Гэтэл Дээд шүүхийн уг тогтоолыг  Сү.Батболдын Засгийн газрын үеэс өнөөг хүртэл хэрэгжүүлээгүй байгаа ажээ.

Б.Баяр

Эх сурвалж: Tumen.mn