Нийгмийн далд сэдвийг хөндсөн “Орхидос” киноны сэтгэл өвдөм үйл явдал, тэр дундаа бяцхан охины хэцүүхэн амьдралын тухай үзэгчид одоог хэр нь санадаг биз ээ. Тус киноны хоёр ч ангид амжилттай тоглож, томоохон наадмаас шагнал хүртэж байсан жүжигчин А.Орхонтуул авьяас чадвараа эрт таниулсан сэргэлэн охин.

“Орхидос” кинонд тоглосноос хойш олны нүдэнд төдийлөн өртөхөө больсон тэрбээр дунд сургуулиа төгсч, хэдийнэ оюутан болоод амжиж. Түүгээр ч зогсохгүй, өнгөрсөн жил залуусын хайр дурлалын тухай сэдэвтэй шинэ кинонд тоглосон бөгөөд энэ үеэрээ үзэгч фэнүүдийнхээ өмнө нэгэн нууцыг задалсан юм.

Хэдийгээр хорин насны босго ч давж амжаагүй байгаа түүнд хайр сэтгэл нь нэлээд эрт ирсэн бололтой. Үе тэнгийн, даруухан залууг сонгож өөрийн цахим хуудаснаа “Гэрлэсэн” хэмээн тодотгох болсныг нь үзээд лав олон хүн гайхсан болов уу. Хайрттайгаа хамт шинэ киноны нээлт, томоохон арга хэмжээнд үргэлж хамтдаа ирэх болсон А.Орхонтуул ийнхүү айлын эзэгтэй болжээ.

Эх сурвалж: Photonews.mn