ИЗНН-ын есдүгээр их хурал өнөөдөр УДБЭТ-ын байранд эхлэв. Тус намын 15 жилийн ойтой давхацсан энэ удаагийн их хурлаараа улс орны улс төр, эдийн засаг, ниймгийн тулгамдаж буй асуудлуудаар илтгэл тавьж, хэлэлцүүлэн, байр сууриа нэгтгэх ажээ. Энэ өдөр 11 цаг 30 минутаас эхэлсэн баярын хурлынх нь үеэр АН, МАХН зэрэг бусад намуудаас баярын мэндчилгээ ирүүлсэн байна. ИЗНН-ын Ерөнхий нарийн бичгийн дарга Б.Хүдэр-Янаас зарим зүйлийг тодрууллаа.

-Их хурлаараа зохион байгуулалтын асуудал хэлэлцэх үү?

-Эхлээд бид энэ их хурлаараа улс төр, нийгэм, эдийн засгийн өнөөгийн байдлын талаар хэлэлцэж  намынхаа байр суурийг тодорхойлно.  Одоогийн нөхцөл байдалд үнэлэлт дүгнэлтээ өгөх нь бидний  гол зүйл болж байна. Эндээс манай намын цаашдын бодлого тодорхой болно гэсэн үг. Намын дүрмийн хүрээний дөрөв, таван асуудал байдаг, тэрийгээ  мөн ярилцана. Энд мэдээж зохион байгуулалтын асуудал байгаа. Намын даргын сонгууль явуулна.  Их хурлаас их хурлын хооронд намын даргын бүрэн эрхийн хугацаа хамаардаг. Тиймээс  бүрэн эрх нь өнөөдөр дуусгавар болж байна. Энэ их хурлаараа бид намын даргаа сонгоно.

-Танай нам гурван даргатай хэвээр байх уу?

-Гурав хүртэл гэж намын дүрэмд заасан байгаа. Гурван даргатай байх уу, хоёр  даргатай, эсвэл бүр ганц даргатай байх уу гэдгээ их хурлын 600 гаруй гишүүд  шийднэ. Есдүгээр их хурлынхаа дараа цаг гарвал Үндсэний хороогоо хуралдуулж, намынхаа дотоод бүтэцийн асуудлуудыг шийдэх юм.

-Танай намын хэсэг залуучууд намаа засгаас гаргах тухай ярьцгааж байсан. Энэ талаар яригдах уу?

-Улс төрийн шийдэл харааахан гараагүй байна. Их хурал маань хуралдаж  байгаа болохоор энэ асуудал яригдах  байх. Одоо бид их хурлаа нээх гэж байгаа тул шууд хэлэх боломжгүй.

Б.Отгон

Эх сурвалж: Tumen.mn