Сонгинохайрхан дүүргийн “21” худалдааны төвд гал гарчээ. Гал одоогоор бүрэн унтраагүй байна. Галыг унтраахаар онцгой байдлын ажилтнууд  ажиллаж байгаа аж. Галын шалтгаан тодорхойгүй байна. Тус төвд 100 гаруй түрээслэгч үйл ажиллагаа явуулдаг. Онцгой байдлынхан галаас болж хүний амь нас эрсдээгүй гэж байна. Сүүлийн үед аж ахуйн нэгжүүдэд гал гарах явдал элбэг тохиох боллоо. Энэ нь галын аюулгүй байдлыг бүрэн хангаагүйтэй холбоотой юм. Энэ удаагийн гал ч мөн цахилгааны хамгаалалт муутайгаас болсон байж болзошгүй ажээ.

Б.Баяр

Эх сурвалж: Tumen.mn