нийтлэсэн Admin
Монгол улсын хэмжээнд 2,7 сая харилцагчтай Төрийн банк нь 2015 оны 3 дугаар сараас эхлэн Харилцагчаа сонсох, Харилцагчиддаа мэдээлэл өгөх, Харилцагчтайгаа эргэх холбоотой ажиллах зорилгоор “Харилцагч ТАНЫГ СОНСЬЁ” аяныг хэрэгжүүлэн ажиллаж байна.
Дээрх аяны хүрээнд 24 цагийн турш Төрийн банкны Харилцагчийн мэдээллийн төвийн 1800-1881 дугаар, www.statebank.mn цахим хуудасны “Харилцагчийн булан” буюу онлайн чат, [email protected] мэйл хаяг болон www.facebook.com/StatebankMN фейсбүүк хуудас, www.twitter.com/StatebankMN твитер хуудас, 1900-1199 мэдээллийн лавлах утсаар харилцагчийн санал, хүсэлтийг хүлээж авах, тэдэнд мэдээлэл, зөвлөгөө өгч байгаа.
“Харилцагч ТАНЫГ СОНСЬЁ” аянаа илүү өргөжүүлэх, цогц мэдээллийг хүртээмжтэй хүргэх үүднээс Монгол улсын хамгийн өргөн мэдээллийн нэгдсэн сүлжээтэй лавлах төв “1900-1950 мэдээллийн лавлах”-тай хамтран ажиллах гэрээнд гарын үсэг зурлаа.
Ингэснээр, Төрийн банкны харилцагч нар Харилцагчийн мэдээллийн төвийн 1800-1881 дугаараас гадна 1900-1950 мэдээллийн лавлах утсанд холбогдон Банкны үйлчилгээ, үйл ажиллагааны талаар цогц лавлагаа авах боломжийг олгож байна. Үүнд: Орон сууц, Цахилгаан, СӨХ, Контор, Кабель, Интернэтийн төлбөр зэрэг бүх төрлийн хэрэглээний төлбөр, Төрийн банкны салбар нэгжүүдийн утас, хаяг, байршил, цагийн хуваарь, өдөр тутмын валютын ханш, хадгаламж болон зээлийн хүү, бүрдүүлэх бичиг баримт болон бусад цаг үеийн мэдээлэл зэрэг банкны бүх төрлийн цогц мэдээлэл багтаж байгаарай давуу талтай юмаа.
