Монгол Улсын гавьяат тамирчин, сонирхогчдын боксын Олимп, Дэлхийн аваргын мөнгөн медальт Н.Төгсцогт 2015 оны гурвадугаар сарын 13-нд буюу энэ баасан гарагт мэргэжлийн боксын рингэнд анх удаа тоглох гэж байна. Сонирхогчийн боксын төрөлд чансаагаараа Дэлхийд дээгүүр бичигддэг тамирчин маань өнгөрсөн оноос эхлэн АНУ-д бэлтгэл хийх  болсноор мэргэжлийн боксчин болох эхлэлээ тавьсан. Н.Төгсцогт мэргэжлийн боксын нэрт дасгалжуулагч Жо Гуссений удирдлага доор Лос Анжелес хотноо бэлтгэл хангасан бөгөөд анхны “тулаанаа” Онтарио хотын “Citizens Business Bank Arena” хэмээх 11000 хүний суудалтай ордонд "Premier Boxing Champions"-ийн хүрээнд болох Берто-Лопес, Портер-Гарсиа нарын гол тулааны өмнө тоглох юм. Баасан гарагийн оройн 18.00 цагт болох тус тулааныг "SPIKE TV" сувгаар шууд дамжуулан хүргэх ажээ.

Эх сурвалж: Photonews.mn