Бяцхан охин байхаасаа л урлагийн хүн болохыг мөрөөдөж Токиогийн хөгжмийн дээд сургуулийг төгссөн дуучин Нара Монголын рок поп ертөнцөд хэдийнэ байр сууриа тодорхойлсон билээ. Ээж болоод удаагүй байгаа тэрээр нэгэн телевизийн нэвтрүүлэгт урилагаар оролцож хувийнхаа амьдралыг илэн далангүй ярилцсан байна. Хүүхдийнхээ эцгийг ихэд нууцалдаг дуучин маань энэ тухай ч нүдэндээ нулимс цийлэгнүүлэн ам нээсэн байна.

Тэрээр түүний нөхөр  “Global world wide” компаний гүйцэтгэх захирал бөгөөд хайрын романс үүсгээд хамтдаа гурван жил болсон гэнэ. Гэвч үл ойлголцол болж 7 сартай хөл хүнд байхад Нараг орхиод явсан гэнэ. Хүүгээ төрүүлчээд “хүүтэй боллоо” гэсэн мессежийг явуулахад хариу бичээгүй, эргэж очоогүй гэнэ. Гэхдээ энэ бүхэнд хүүхдийнхээ эцэгт гомдоогүй харин ч баярлаж яваа гэдгээ ч хэллээ. Харин түүний хамгийн их хүсч буй зүйл нь хүүгээ сайхан өсгөж, хүмүүжүүл, сайн хүн болгохоо чин сэтгэлээсээ дахин дахин хэлж байлаа. Хэдийгээр өрх толгойлсон ганц бие ээж ч гэсэн дайчин эмэгтэй гэдэг нь бахархмаар.