Гоо сайхандаа анхаарахгүй хэн байх билээ. Ялангуяа эмэгтэйчүүд сүүлийн үед энэ талаар онцгой анхаардаг болсон. Гэвч саяхан нэгэн эмэгтэй өөрийн цахим уудсаар дамжуулан холбогдох байгууллагуудад гомдол мэдүүлжээ. Тэрбээр нүүрнийхээ үрчлээг арилгуулах, хөгшрөлтөөс сэргийлэхийн тулд алтан утас нүүрэндээ хийлгэсэн байна. Нэгэн танил нь түүнийг  зуучлан Солонгосоос Монголд ирээд  байсан тэрхүү алтан утас гүйлгэдэг хүн дээр дагуулж аваачсан гэнэ. Цаадах нь төлбөрт 8500 доллар авсан байна. Гэтэл өнөөх алтан утас гэгч зүгээр л нэг зүү байжээ. Үүнийг нь МХЕГ-ынхан  шалгаж тогтоосон байх юм. Алтан утас гээд нүүрэндээ зүү хийлгэсэн тэр эмэгтэй бусдын нүүр харж чадахгүй болтол сэтгэлээр унаж буйгаа нуусангүй. Түүний нүүрний арьс энд тэндээ товруутан овойж, саажилт үүсгэх болсон байна. Гэмт этгээдийг эрэн сурвалжилж байгаа аж. Өнөөх алтан утас гүйлгэсэн  Солонгос хүн харин аль хэдийнээ нутаг руугаа оргон зайлсан байжээ.

Б.Баяр

Эх сурвалж: Tumen.mn