Төрийн ордонд УИХ-ын Өргөдлийн байнгын хорооны дарга О.Баасанхүү, тус байнгын хорооны гишүүн Ж.Батзандан нар мэдээлэл хийлээ. Иргэдээс тус байнгын хороонд хандаж, хуралдаа суудаггүй гишүүдэд хариуцлага тооцохыг шаардах болжээ. Тиймээс тус байнгын хороо нь УИХ-ын Дэгийн тухай хуульд өөрчлөлт оруулах хүрээнд чуулган, байнгын хороо, ажлын хэсгийн хуралдаанд оролцдоггүй гишүүнийг, хуралдаанд согтуу ирсэн гишүүнийг эгүүлэн татах, хуралдаа нэг минут хоцорч ирсэн бол 100 мянган төгрөгөөр торгох зэрэг заалттай хуулийн төсөл боловсруулж байгаа аж. Гишүүд хуулийн төслөө ирэх хаврын чуулганаар хэлэлцүүлэхээр бэлтгэжээ.

Г.Бат

Эх сурвалж: Zaluu.com