Замын хөдөлгөөний дүрэм зөрчиж, согтуугаар автомашин жолоодон хүний амь хөнөөх гэмт  хэрэг буурахгүй байна. Энэ төрлийн гэмт хэрэг  цагдаагийн албан хаагчдын дунд ч гарсаар байгаа аж. Хэдэн сарын өмнө Сэлэнгэ аймгийн Хөтөл тосгоны цагдаагийн хэсгийн ажилтан Ц.Ууганбаатар нь Сүхбаатар дүүргийн нутаг дэвсгэрт замын урсгал сөрж давхин 12 настай  охины амийг хөнөөсөн юм.  Тухайн үед цагдаагийн ажилтан Ц.Ууганбаатар нь даргынхаа буруу шийдвэрээр тийнхүү замын урсгал сөрж охины аминд хүрсэн гэдэг. Урьд нь бас Ц.Ууганбааатарынх нь төрсөн дүү, цагдаагийн ажилтан  Ц.Ууганжаргал согтуугаар автомашин жолоодож яваад хүн дайрч алсан хэргээр  ял шийтгүүлсэн юмсанж. Тэгвэл эдгээр хэргийн дуулиан  намжаагүй байтал бас дахиад тус цагдаагийн хэсгийн өөр нэг ажилтан автомашины осол гаргав. Цагдаагийн хэсгийн жижүүрийн цагдаа нь хүн дайрч амийг нь хөнөөжээ.  Энэ хэргийг  Дархан-Уул аймгийн цагдаагийн хэлтэст шалгаж байна.

Б.Баяр

Эх сурвалж: Tumen.mn