Монголын зэрлэг амьтан хамгаалах төвөөс өндөр хүчдэлд цохиулан зүй бусаар үхэж буй шувуудын талаар өчигдөр мэдээлэл хийв. Судалгааны багийнхан Сүхбаатар аймгийн Уулбаян, Мөнх хаан сумыг холбосон56 км урт, 15кв-ын шугамд судалгаа явуулахад 520 идлэг шонхор, шилийн сар, начин шонхор, ойн сар, үлэг харцага, цармын бүргэд зэрэг махчин шувууд үхсэн тоо гарчээ. Шувууд ингэж зүй бусаар үхэж байгаа нь амьтдын байгалийн гинжин холбоог тасалж, устаж үгүй болгох аюулд хүргээд байгаа аж. Түүнчлэн цахилгаан эрчим хүчнээс болж жилд монголын бахархал болсон4000 орчим идлэг шонхор үхсэн байна. Мөн 2500 залуу шонхор бойжуулсан боловч хүчдэлээс болж мянга мянгаараа үгүй болжээ.

Эх сурвалж: Unen.mn