Шинээр байгуулагдсан Аж үйлдвэрийн яам нь Монгол орныг үйлдвэржүүлэх төлөвлөгөөгөө хэрэгжүүлэхээр анхны зөвшөөрлөө өгсөн гэнэ. Анхдагч нь Хятадын хөрөнгө оруулалттай “Синолайт” гэдэг компани агаад Архангай аймгийн Тэлмэн нуурын эрэгт арьс ширний үйлдвэр байгуулахаар өргөдлөө өгөөд Д.Эрдэнэбат сайдаас зөвшөөрөл авч чадсан гэнэ. Ийнхүү захын нэг муу арьс ширний хятад компани Монгол орныг “үйлдвэржүүлэх их аянд” салхи хагалан орж иржээ. Арьсний ченж хятадуудын олон арван үйлдвэрийг хотоос хөөж гаргаж дуусаагүй байгаа. Хамгийн бохир техник технологитой агаад Туул голыг жинхэнэ бохирдуулагчид нь тэд байсан. Гэсэн ч тэдгээр компанийг хөөж гаргах тал дээр хотын захиргаа болон БОНАЖЯ ёстой дургүйд хүчгүй гэгчээр хөдөлж байсан. Тэгвэл өдгөө Архангайчууд нуураа Хятадын компаниас хамгаалах цаг иржээ. Ганц арьс ширний үйлдвэр эдийн засагт овоож оцойтол нэмэр оруулахгүй нь тодорхой.  Харин ч байгаль орчин нуур голыг бохирдуулдаг гэдгээрээ хожмын өдөр тус болохоос ус болсон нь их байх биз.

Эх сурвалж: Nuuts.mn