Үндэсний хөрөнгө оруулалттай “Лес Металл” ХХК Монголд анх удаа хадаас үйлдвэрлэж эхэлсэн байна. Тус компани хаягдал металл, төмрийг боловсруулснаар ийнхүү дотооддоо хадаас үйлдвэрлэж байгаа бөгөөд жилдээ 252 тонн хадаас үйлдвэрлэх хүчин чадалтай аж. Засгийн газраас дотоодын үйлдвэрлэлийг дэмжих 888 төслийн хүрээнд тус компани зээл авснаар ийнхүү бизнесээ амжилттай эхлүүлээд байгаа юм байна. Энэ мэтээр 888 төслийн дотор чанартай, сайн төслүүд хэрэгжээд явж байгаа олон жишээ бий гэдгийг Аж үйлдвэрийн сайд Д.Эрдэнэбат өнөөдөр болсон сэтгүүлчидтэй уулзах уулзалтынхаа үеэр онцоллоо.