Монголчууд хоёрхон сарын ємнє гурван саяуулаа болж, тэрхvv азтай шинэ иргэнээ Ерєнхийлєгч Ц.Элбэгдорж Х.Монголжин хэмээн нэрийдсэн билээ. Монголын vрс маш олон болох ерєєл, дэмбэрэл дагуулсаар аав, ээжийнхээ амин хайртай охин, ард тvмнийхээ ашид дэлгэрэх амны хишгийн даллага болон мэндэлсэн Х.Монголжин охины аз хийморийг нь дээдэлж, Монголын тєр гурван єрєє байраар мялаасан. Ингэснээрээ Х.Монголжин охин хувьдаа нэг ширхэг орон сууцтай Монголын 202 мянга, 38 иргэний нэг нь болсон юм.

Энэ тухай яагаад онцлоод байна гэвэл Улсын Бvртгэлийн Ерєнхий газар эд хєрєнгийн бvртгэлд бvртгvvлсэн орон сууцны бvртгэлийн тайланг энэ оны нэгдvгээр сарын байдлаар олон нийтэд танилцуулахад Монголын гурван сая иргэний ердєє л 239 мянга, 34 нь єєрийн гэсэн орон сууцаа нэр дээрээ бvртгvvлсэнд байгаа юм. Тэднээс 202 мянга нь Х.Монголжин охины адил нэг л байртай юм байна. Гэтэл 15 иргэн 10 ширхэг vл хєдлєх хєрєнгє буюу орон сууцтай бол ганц биендээ 68 ширхэг орон сууц наалдуулчихсан хvн байгаа нь vнэхээр гайхалтай. Мэдээж тэр хvн эхнэр, нєхєр, vр хvvхэдтэй л байж таарна. Гэхдээ найман хvvхэдтэй байсан ч 10 ширхэг байртай байхад л vлдсэн насандаа санаа амар амьдарч болмоор санагдана. Гэтэл 10, 20 биш 68 ширхэг байртай гэж байгаа юм. Магадгvй барилгын томоохон компанийн эзэн байж болно. Тэгээд чанартай, чанаргvй орон сууц ар араас нь босгосоор байгаад тэр хэмжээний сууц єєртєє vлдээсэн байж болно. Гэтэл улсын татварын мєнгєнєєс хэдэн тэрбумаар нь гулгуулчихсан нєгєє Татварын дарга нар шиг ч юм уу, хэдvvлээ нийлээд хэдэн арван тэрбумаар цохичихсон МИАТ-ын дарга нар шиг “Буруу гар”-ын мєнгєєр бужигнуулчихсан байвал яах вэ.

Ер нь тэгээд хэдэн vеэрээ зарж, vрж хєлслvvлж барагдахгvй тэр олон байр нэг хvний байтугай нэлээн хэдэн хvний нэр дээр байхад ч бусдын сонирхол татахаас аргагvй.

Нэг нь 68 байрныхаа дунд тєєрєх шахам мунгинаж явахад хэдэн vеэрээ орон сууцанд амьдрах нь битгий хэл, хєл тавьж vзээгvй шахам Улаанбаатарт толгой хоргоддог хvмvvс хэдэн арваараа єдєр нь шил, лааз, хуванцар сав тvvж, бусдын хоолны шавхруугаар єл дарсан болчихоод шєнє нь орц хонгил, траншейны нvх бараадаж єдєр хоногийг тєєрvvлж яваа. Тэдний олонх нь магадгvй энэ насандаа ганц єрєє байранд, ганц шєнийг бvтэн нойртой єнгєрvvлж vзэлгvй явсаар хорвоогоос буцацгааж байгаа. Магадгvй vр хvvхэдтэй бол тvvнийг нь ч тийм хувь заяа хvлээж байж болзошгvй. Гэтэл 68 байртай тэр хvн тэр олон байрандаа орж vзэж амжихгvй байсаар нартыг дуусгахыг ч vгvйсгэхгvй. Хорвоогийн амьдрал гэдэг vнэхээр хар, цагаан, эрээн бараан, єдєр, шєнє шиг ялгаатай, учрыг нь олохын аргагvй хачин жигтэйхэн юм даа.

Энvvхнээрээ би хэн нэгнийг буруутгах гэсэнгvй, магтаж сайшаах ч гэсэнгvй. Бас элдэвлэн гутаах санаа агуулсангvй. Зvгээр л Монголд хэн жаргалтай вэ гэж дотор хvнээсээ асуусан юм. 68 байшинтай хvн жаргалын орой дээр ганцаараа сууж байдаг юм болов уу, бодож санах зvйлгvй, санаа зовохгvй єдєр нь шил лааз тvvчихээд шєнє нь траншейнд ороод дугжирчихдаг тэр хvмvvс хачин эрх чєлєєтэй, нэг ёсны ямар ч хvлээсгvй амар жаргалтай єдєр хоногийг єнгєрvvлдэг юм болов уу.
Эх сурвалж: