“Эрдэнэт хивс” ХХК өнгөрсөн оны хоёрдугаар улирлаас Монголын зах зээлд анх удаа нэгэн шинэлэг бүтээгдэхүүн нийлүүлж эхэлжээ. Тус компанийн нано технологиор үйлдвэрлэсэн даавуугаар “Эрдэнэт” үйлдвэрийн “ЭрдСүлж” компани хүнд нөхцөлд ажилладаг засварын ажилчдынхаа зуны хувцсыг үйлдвэрлэж байна. Үүнээс гадна Эрдэнэт хотод “Цагаан жим” хэмээх амны хаалтны үйлдвэр Монголд анх байгуулагдаж өдөрт 3-5 мянган маск үйлдвэрлэж байгаа аж. “Эрдэнэт” үйлдвэр тус компанитай худалдан авах гэрээ байгуулж, үндэсний үйлдвэрээ дэмжиж байгаагаас гадна LED гэрлээ “Эрдэнэт LED” үйлдвэрээс худалдан авдаг юм байна. “Эрдэнэт LED” үйлдвэр нь өнгөрсөн оны есдүгээр сард байгуулагдсан бөгөөд цахилгааны зарцуулалт найм дахин бага, байгальд ээлтэй нэг ширхэг гэрлийг гурван минутад үйлдвэрлэх хүчин чадалтай.

Т.Саран

Эх сурвалж: Info.mn