Алдарт жүжигчин Арнольд Шварцнеггерийн гэр бүлийн хүсэл ашгүй нэг юм биелэгдэж хүү Патрик нь муу нэрт дуучин Майли Сариусаас салах бололтой. Залуу хосын хооронд маш ноцтой явдал дэгдэж хууртагдсан гэж уурласан Майли Шварцнеггерийн хүүг “миний амьдралаас зайл” гэж хөөсөн тухай Америкийн хэвлэлүүдэд шуугиж байна.  Амраг бүсгүйгээ ажилтай байх хооронд нь Патрик найз нартайгаа хамт Мексикт амрахаар долоо хоногоор явжээ. Гэтэл Кабо-Сан-Лукас гэх наран шарлагын газар Патрикын наранд борлосон Натали хэмээх үзэсгэлэнт бүсгүйтэй тэврэлдэж байгаа зураг хэвлэлээр цацагджээ. “Тэр бол ердөө манай найзын бүсгүй, бид тэврэлдээд бүжиглэснээс цаашгүй” хэмээн Патрик тайлбарласан ч Майли хүлээж аваагүй гэнэ.

Эх сурвалж: Nuuts.mn