Х.Тэмүүжинг Хууль зүйн сайд байх үед эмгэнэлүүд согтуу иргэдийг  хүлээн авч, эрүүлжүүлэх үйлчилгээ үзүүлдэг болсон. Үүний сөрөг нөлөө их байлаа. Эмч нар өвчтөнгүүдээ  түрүүлж эмчлэх үү, согтуу хүмүүсийг эхлээд эрүүлжүүлэх үү гэдэг ацан шалаанд орсон. Согтуучууд нь голцуу эмч сувилагч нарт агсарч, заримдаа зодох явдал ч гарна. Эмнэлэгүүдэд согтуу хүмүүст үйлчлэх  өрөө тасалгаа хомс тул бэрхшээл мундахгүй их. Үнэндээ ийм давхар үйлчилгээ нь эмнэлэгүүдийг туйлдуулж орхижээ. Иймээс Эрүүл мэнд, спортын сайд Г.Шийлэгдамба саяхнаас энэ байдалд  өөрчлөлт хийхээр шийдсэн байна. Тэрбээр ирэх долоо хоногоос хуульд өөрчлөлт оруулах тухай ярилцах аж. Хуулийг өөрчилснөөр  буцаагаад эрүүлжүүлэх үйлчилгээг цагдаагийн байгууллагад өгөх бөгөөд хуучин тэнд байсан эрүүлжүүлэх байруудын нөхцөлийг сайжруулан, мэргэжлийн эмч нарыг ажиллуулах юм байна.

Б.Баяр

Эх сурвалж: Tumen.mn