Хар тамхины хэргээр  шүүхээс нэг жилийн хорих ял аваад байсан Г.Сарангэрэл өчигдөр 11 цагт хорих 407-р ангиас суллагдсан.  Түүнийг Хууль зүйн сайд мөнгөн аягатай тоссон гэх мэдээлэл байсан бөгөөд  үүнийг тэрбээр үгүйсгэсэн. “Аав, ээж хоёрыг тосоод яахав ээ. Би өөрөө очно гээд тосуулаагүй.  Харин найз залуу маань тосож бид 2 төв зам болтол алхаж байгаад  таксидаж харьсан” гэдгийг хэлж байсан.

Тэрбээр өөрийнхөө эрхийг хамгаалахын тулд хуулийн сургуульд элсэн суралцахаар төлөвлөөд байгаа бэлдэж эхлээд байгаа гэдгээ хэлж байсан.  “УИХ-ын гишүүн О.Баасанхүүг нэр төр, алдар хүндэд халдсан гэдэг үндэслэлээр шүүхэд хандаад байгаа. Түүнээс болж намайг Монголд танихгүй хүнгүй болж, эрх чөлөөнд халдсан тохиолдол гарсан.  Энэ мэтээр зөрчигдсөн эрхээ сэргээхийн төлөө  сурч боловсрон  хамгаалах болно”  гэдгийг тэрбээр хэлсэн юм.

А.Баярмаа

Эх сурвалж: www.dorgio.mn