Британийн телевизээр тун удалгүй Sex Box хэмээх шинэ телешоу гарч эхлэх аж. Нэвтрүүлэгт оролцогч хосууд студид тусгайлан тоноглогдсон хайрцаг дотор, үзэгчдийн нүдэн дээр сексдэх юм байна. Эхний дугаарт уламжлалт болон гей хосууд оролцоно гэж Belfast Telegraph-д мэдээлжээ.

Нэвтрүүлгийг санаачлагчид “өөрсдийн үзэгчидтэй кино, сэтгүүл дээрх бус, жинхэнэ бодит сексийн талаар” ярилцахыг хүсэж байна гэж ярьсан байна. Оролцогч хосууд нэвт үл харагдах, дуу чимээ үл нэвтрэх тусгай зориулалтын хайрцаг дотор “ажлаа” хийх аж.

Дараа нь тэдгээр хосууд сэтгэл судлаачид, секс судлаачидтай туршлагаа хуваалцан, санал бодлоо солилцох юм байна. Sex Box хөтөлбөрийн эхний дугаарт гурван уламжлалт хос, нэг гомо хос оролцох гэнэ.

Энэхүү хачирхалтай шоу нэг цаг үргэлжлэх бөгөөд аравдугаар сарын 7-ноос үзүүлж эхлэх аж. Sex Box хөтөлбөр нь Channel 4 сувгийн насанд хүрэгчдэд зориулан эхлүүлэх ганц шинэ нэвтрүүлэг биш бөгөөд порно уран бүтээлүүд өсвөр насныхны сэтгэл зүйд хэрхэн нөлөөлж байгаа тухай нэвтрүүлэг, мөн порно сонирхогчид өөрсдийн хайртай жүжигчидтэй уулзаж болох шоу зохион байгуулах аж.