Манайхан хойд хөрш рүү визгүй зорчдог болсноос хойш бараа, бүтээгдэхүүн, тэр дундаа хүнсний бүтээгдэхүүн авчирч худалдаалдаг болсон. Гэтэл үүнийг мэргэжлийн байгууллагаас буруушааж байгаа аж. Өнгөрсөн Цагаан сарын үеэр хойноос их хэмжээний хуурамч архи оруулж ирсэн тохиолдол гарсан билээ. Албаны эх сурвалжийн хэлж буйгаар ОХУ руу визгүй зорчдог болсноос хойш иргэд хугацаа нь дууссан, чанарын шаардлага хангахгүй хүнсний бүтээгдэхүүн оруулж ирэх нь нэмэгдсэн аж. 

Мөн хадгалалтын горим алдагдсан бүтээгдэхүүнийг хямдхан зарж, иргэдийг хохироож байна гэжээ. Ийнхүү аюулгүй байдал нь алдагдсан хоол хүнс хэрэглэснээс болж дэлхийн хэмжээнд жил болгон хоёр сая хүн амиа насаа алддаг гэсэн тоо судалгаа байдаг ажээ. Тиймээс ард иргэд худалдан авах бараа, бүтээгдэхүүнийхээ хугацаа, он сарыг харж байх ёстой, юм.

Эх сурвалж www.wikimon.mn