Норвегийн Ерөнхий сайд Эрна Солберг Дэлхийн хоёрдугаар дайны үед тус улс цыгануудыг хавчин гадуурхаж байснаа “Энэ бол манай түүхийн хар хуудсын нэг” гээд үүнийхээ төлөө уучлал гуйж, нөхөн төлбөр төлөхөө мэдэгдсэн байна. 
1930-аад онд норвегийн цыгануудыг хилээр гарч явсныхаа дараа эргэн ирэхийг нь хориглосон тухай илтгэлийг Норвегийн Засгийн газар өнгөрсөн хоёрдугаар сард хэлэлцсэн юм. Тэр үед ийм хүмүүсийн тоо 100-150-д хүрч байжээ. Ийм шийдвэр гаргаснаар тэд Норвегидоо эргэн ирж чадалгүй нацистын бөөнөөр хорих лагерьт амь үрэгдсэн байна. Дайны дараа ч гэсэн нацистын бөөнөөр хорих лагерьт байсан цыгануудыг Норвегид ирэхийг 10-аад жил хориглож байжээ. Одоо норвегид ийм зовлон амссан цыганы тоо 500 орчим байгаа юм.