Ч.Сайханбилэгийн Засгийн газар байгуулагдсанаас хойш хамгийн олон ажилтнаа халж гудамжинд гаргасан яамаар Гадаад хэргийн яам  тодроод байгаа. Л.Пүрэвсүрэн сайд нь ажлаа хүлээн авмагц шууд тушаал гарган 140 гаруй хүнээ  халж, заримыг нь буцаан томилохдоо өөрийн өнгө үзэмжээр хандсан гэдэг. Мөн тэр саяхан гадаад орнуудад  суугаа дипломат ажилтнуудаас 40 гаруй хүнийг өөрсдийн зардлаар Монголдоо ирж, “асуудлаа” шийдүүл гэсэн “зарлиг” буулгажээ.  Тэдний дотор гэмт үйлдэлтэй ганц нэг хүн бас байгаа бөгөөд бусад нь мөрөөрөө  ажлаа хийгээд явж байсан бололтой. Тэрхүү гэмт этгээд нь ОХУ-ын Кызыл хотод  суугаа консул Д.Ганболд аж. Түүнийг эргүүлэн татах шийдвэр гаргаад байгаа юм байна. Д.Ганболд нь удаа дараа архидан согтуурч, ажилтнуудаа дарамтлан, жолоочийнхоо эхнэрийг зодож, өөрийн эхнэрт ч бас  агсам тавьж танхайрдаг байжээ.

Б.Баяр 

Эх сурвалж: Tumen.mn