МАН, АН-ын байрны маргаан сар шахам үргэлжилж байна. АН-ын гишүүд, дэмжигчдийн холбооны тэргүүн Т.Хасбаатар анх МАН-ын шатсан байрны суурин дээр   “Тусгаар тогтнолын ордон”-г барихдаа татвар төлөгчдийн мөнгөнөөс 11 тэрбум төгрөг авсан нь хууль бус гэснээс уг маргаан улам ширүүссэн. МАН-ынхан түүний энэ мэдэгдлийн хариуд “Тэгж ярих юм бол АН дөрвөн байртай. Манай энэ Тусгаар тогтнолын ордонг барихад авсан мөнгө хууль ёсных” гэж байв. Тэгвэл Т.Хасбаатар өөрийн мэдэгдлийн дагуу үүнийг нь АТГ-аар шалгуулахыг хүслээ. Тэрбээр АТГ-т хандсан бичигтээ  “2008 оны 07 дугаар сарын 1-ний үймээнд Монгол ардын нам төв байраа шатаалган 14.6 тэрбум төгрөгөөр одоогийн “Тусгаар тонтнолын ордон”-г барихдаа төрөөс татвар төлөгчдийн 11 тэрбум төгрөгийг хууль бусаар авсныг эргэн төлүүлэх талаар 2015 оны 3 дугаар сарын 11-ны өдөр УИХ, Засгийн газарт хандан Ардчилсан намын гишүүд дэмжигчдийн холбооны тэргүүний хувиар шаардлага хүргүүлсэн боловч одоогоор  хариу ирүүлээгүй тул АТГ-т албан ёсоор хандаж байна” гээд үүнийгээ улс төрийн авлигын шинжтэй үйлдэл хэмээн  хуулийн  дагуу шалгаж тогтоохыг хүссэн байна.

Б.Баяр 

Эх сурвалж: Tumen.mn