Монголын хамгийн цуутай 10 топ модель бүсгүйг онцолж байна.

Монголчууд оногдсон ажлаа хэнд ч гологдохооргүй бас хэнээс ч илүү хийж чаддаг нэгнээ "Ясны" гэж энэ таагүй ч гэмээр үгээр магтан тодорхойлдог. Загварын ертөнцийнхөн Ариунааг ийн "ясны модедь" гэж үнэлдэг. МДХ хэдий тухайн үед "Toп модель" бус шилдгийн шилдэг загвар өмсөгч цолыг олгож байсан ч түүнийг топ моделийн эгнээнд багтаадаг. Түүнээс хойшх загвар өмсөгчдийг харин топ хэмээн цоллодог болсон билээ. МУИС-ийн ОУХДС-д сурч байхдаа тэрээр жинхэнэ мандан бадарч оргил үедээ явсан нэгэн. Гэсэн ч тухайн үедээ архины бизнес эрхэлдэг гэгддэг байсан Сэргэлэнтэй тоонот гэрт толгой, тостой шөлөнд хошуу холбосноор загварын ертөнцийг дэндүү эрт "хаясан" нэгэн. Өдгөө тэрээр Монголын үрсийг маш олон болгох үйлсэд хүчин зүтгэж, хүүхдүүдээ асран сайн ээж болсон байгаа. Гэсэн ч хаа нэгтээ тааралдахад урьдын сайхан төрхөө хадгалсаар яваа нь илт мэдрэгддэг. Өршөөлгүй салбарыг өөрийн хүслээр эрт орхисонд нь загварынхан одоо ч харамсаж явдаг юм билээ. Гэхдээ түүний сонголт зөв ч байсан биз. Учир нь загварын ертөнц гэдэг харгис салбар учраас тэр. Өвөрмөц төрх, өндөр нуруу, хувирах чадвар гээд загвар өмсөгч хүнд байх ёстой бүхнийг өөртөө агуулсан тэрбээр мэдлэг боловсролын хувьд ч загварынхан дундаа “толгой цохидог”. Монголчууд ид эрх чөлөөгөө эдэлж эхэлсэн үед загварын ертөнцийн хөл тавьсан тэрбээр бүгдийн анхаарлын төвд байж, ид мандаж явахдаа ч эгэл даруу байж, туйлын нууцлаг байдлаа хадгалсаар байсан гэдэг.  

 “Монхангай” группийн захирал С.Сэргэлэнтэй хувь заяагаа холбосноор загвар өмсөгчийн ажлаа орхисон тэрбээр одоо ч олны нүднээс хол, нам гүмхэн амьдарч байна. Д.Ариунаа одоо нөхрийнхөө ажилд туслан, “Миний дэлгүүр” сүлжээг нь хариуцан ажиллуулж, бизнесийн ертөнцийн “нууцлаг хатагтай” болжээ.
 

Анхны топ модель цолтон. Түүнийг өдгөө ч хүмүүс мөнхийн залуу Одгэрэл хэмээн нэрийдсээр байгаа. Өөрөө ч "миний мөнхийн залуу байдгийн нууц..." хэмээн реклам сурталчилгаанд тоглон, түүнийгээ батлахыг хүсэх мэт орой бүр цэнхэр дэлгэцээр тантай учирдаг.
Одоогоос 20 орчим жилийн өмнө шилмэл загвар зохион бүтээх товчоонд загвар өмсөгчөөр ажиллаж нарийн бичиг Дунгаамаа даргын нүдэнд өртөн миссийн тэмцээнд оролцож дэд миссээр тодорч байсан нэгэн. Харин загварын ертөнцөд Түвшин агсан түүнийг хөтөлж оруулсан гэдэг. Өдгөө түүнийг хүн бүхэн "Загварын акул"-аас эхлэн "Эрчүүдийн ангууч" гэх хүртэл нь А, Б гүй мэддэг гэж болно. Гэхдээ түүний дотоод сэтгэлийг мэддэг нь мэдээж харьцангуй цөөн. Яагаад гэвэл тэр зожиг бас дотогшоо зантай бүрэг нэгэн. 18 хан насандаа багш нь байсан эрийн өвөрт очиж, мисс болсноосоо хойш энэ өршөөлгүй салбарыг карьер болгон хөөх үед нь нөхөр нь бяцхан охиноо аван түүнээс салснаас хойш өнөөдрийг хүртэл тэрээр ямагт бусдын тэр тусмаа эрчүүдийн анхааралд явсан гэхэд болно.
Ямартаа өнгөрсөн жил нэгэн сэтгүүлийн газраас зохион байгуулсан хүсэмжит 10 бүсгүй буюу амтлаг арвын тэргүүн магнайгаар тодорч байхав. Түүний тухай гоо сайхны хагалгаанд орсон, нэг ч цаг улсад хөдөлмөрлөж үзээгүй, хамгийн өндөр үнэтэй хүүхэн гэгчлэн олон таагүй яриа сонстдог ч тэр яах аргагүй хамгийн эмэгтэйлэг загвар өмсөгч. Түүний намбалаг хэрнээ аальгүй гэмээр төрх эрчүүдийг төдийгүй хүүхнүүдийг ч галзуурахад хүргэж мэднэ. Түүнтэй нэр холбогдсон эрчүүдийн нэрсийг бичнэ гэвэл багагүй ч хугацаа шаардах биз.
Өдгөө тэрээр АПУ-ийн гэгддэг Батжавтай нэг гэрт амьдарч байгаа. Ямар ч байсан олон эрийн хувьд харахын заяа байхаас хазахын заяа алга гэгддэг энэ бүсгүй 40 насны босгыг алхсан ч нялх охидтой зэрэгцэн загварын тайзнаа алхаж яваа нь бахархал билээ.

Болормаа хамгийн хөдөлмөрч топ

Одгэрэлийн адил загварын ертөнцөд өнөө хүртэл зуун хувь хүлээн зөвшөөрөгдөж чадахгүй байгаа ч тэрээр энэ л салбартаа үнэнч гэдгээ харуулан  "Монгол модель" агентлагийг амжилттай ажиллуулж яваа. Могой гурав тасравч гүрвэлийн дайтай гэгчээр хэдий залуу цагийнх шигээ цойлохгүй ч хааяахан энд тэндхийн шоун дээр топ хэвээрээ л байж чаддаг нэгэн. МДХ-ныхонтой муудалцан хэвлэлээр хэсэг баалуулсан, өөрөөсөө үе мултарсан Баярсайхан гэгч модель залуутай амрагийн холбоотой байсан, анхны нөхрөөсөө салсан гээд түүний тухай ч саар мэдээ олон. Гэхдээ энэ хүний амьдралд байдаг л зүйл. Харин сүүлийн үед үнэтэй машин бэлгэнд авч, харь эрийн кофег чанах нь гэсэн мэдээлэл цацагдах болсон ч тэрээр happy нэрт бяцхан нохойгоо эрхлүүлэн ганц бие яваа. Зарим нь түүнийг хөгширснөө бас ганцаардсанаа батлах мэт нохойгоо эрхлүүлж, нохойноос өөрийг ярихаа больж хэмээн шүүмжлэх нь бий. Гэсэн ч загварын ертөнц даяараа түүнийг хамгийн хөдөлмөрч топ гэдгийг хүлээн зөвшөөрдөг.


Ундраа хамгийн хэнэггүй топ

22 дахь удаагаа зохиогдох гэж буй загварын наадмын хаан "Гоёл"-оос тодорсон арван топын нэг болсон тэрээр хамгийн хэнэггүй топ гэгддэг ч бас хамгийн чадварлагт нь орох нэгэн. Сүүлийн жилүүдэд тоотойхон хэд эх орондоо үзэгдэх болсон Х.Ундраа нэгэн үе Францад найз залуугийнхаа хамтаар амьдарч байсан. Франц Монголын хооронд “нүүдлийн шувуу” мэт хэсэг амьдарсан модель бүсгүй энэ удаагийн сонголтоороо Америкийг сонгон амьдарч байгаа юм байна.
 
Загварын бүсгүйчүүд дундаа өөрийгөө хүрээлэх хов живнээс тэрүүхэндээ бултчихдаг Х.Ундраа бүсгүй айлын гэргий болж холын Америкийг зорьж анхны хүүхдээ төрүүлжээ.

Туяацэцэг өөртөө итгэлтэй топ

Энэхүү нэр хүндтэй өргөмжлөлийг гуйж биш гуядаж авсан шилдэг топуудын нэг бол яалт ч үгүй топ модель Ч.Туяацэцэг. Арав гаруйхан насандаа загварын ертөнцөд хөл тавьсан тэрээр 2003 онд топ модель гэх өргөмжлөлийг авч байсан. Өдгөө ахмад топуудын эгнээнд шилжсэн Ч.Туяацэцэг залуу үеийнхэндээ хамгийн эрт байраа тавьж өгсөн нэгэн. Олон жил тайзнаа үзэгдэж харагдах нь бүү хэл олон нийтийн газар тэр бүр ирдэггүй Ч.Туяацэцэгийг томоохон үйл ажиллагаан дээрээс л та олж харна. Загварын тайз, онгоцны бүхээг дотор олон жилийн амьдралаа өнгөрүүлсэн түүнийг өөртөө итгэлтэй, "оригоороо"  байгаа нэгэн гэж тодорхойлдог. Нэгэн үе их дэлгүүрийн урдхан, хамтран амьдарч байсан буриад залуутайгаа нийлэн кафе ажиллуулан бизнес эрхлэхийг оролдож  байсан  ч тэрээр загвар өмсөгч, онгоцны үйлчлэгч гэх хос морьдоосоо урваж чадаагүй. Тэрээр мөн л бусдынхаа адил Дэмбэрэлцэрэн агсны хүү зэргээр хэд хэдэн хүнтэй нэр холбогдоод авсанБуриад маягийн өвөрмөц төрхөөрөө бусдаас ялгардаг. Тэр бас ямар ч үед найзархаг байж чаддаг, эршүүд ч гэмээр түс тас үгтэй.Түүний энэ зан олон хүнд таалагддаг. Тэр ч утгаараа түүний тухай муу үг унагах хүн ховор байдаг биз. Ямар ч байсан тэрээр тайзан дээр омголон, өөртөө дэндүү итгэлтэй дүр төрхийг бусдаас илүүтэйгээр бий болгож чаддаг энэ бүсгүй харин хувийн амьдралаа өнөөг хүртэл цэгцэлж чадсангүй, баян эрчүүдтэй нэр холбогдсоор яваа.

Бүжигчин мэргэжилтэй энэ бүсгүй өдгөө Монгол ньюс компанийн захирал агсан Балдоржийн хүүгийн эхнэр болон үрийг нь төрүүлээд байгаа. Тэрээр тайзан дээр үсээ хусуулан гарч ирэх зэргээр гэнэ гэнэ цочир сюрприз барьчихдаг нэгэн. Хэд хэдэн клип төдийгүй "нимбэгтэй хараа" гэх архины рекламд хүртэл тоглож байсан. Бүжигчин мэргэжил нь түүнийг загварын тайзан дээр бусдаас ялгарахад нь ихээхэн түлхэц өгдөг байсан. Загварын сайхан хүүхнүүдийн дунд хамгийн хурдан нэр хүндээ олж, бас хурдан загвараас чимээгүйхэн гарсан топ модел бол Т.Баярзул ихэнхдээ гадаадад амьдарч байгаа болохоор эх орондоо байх нь ховор гэнэ.











 

Түүнийг загварын ертөнцийнхөн ингэж үнэлдэг. Гэсэн ч тэр энэ өршөөлгүй салбараас холдохыг хүссэн үү сүүлийн үед өөртөө төдийлөн анхаарахаа больсон мэт харагддаг. Анх нэгэн эмч залуутай заяа холбосон ч түүнээсээ тусдаа амьдрах болсон.Үүнээс өөрөөр "Том" гэж тодотгогддог тэрээр тэр бүр эрчүүдтэй нэр холбогдсон нь дуулддаггүй. Өдгөө тэрээр MCS компанийн харьяанд байх нэгэн рестораныг удирдан ажиллуулж байгаа. Цолмон 2002 онд "Топ модель" өргөмжлөл хүртэж байсан. Арван долоон настайгаасаа загвар өмсч эхэлсэн энэ бүсгүй "том Цолмон" гэсэн тодотголтой загварын ертөнцийн "акул"-уудын нэг Тэрээр өөрийн тэгш сайхан бие галбир, өөгүй цэвэрхэн царайгаараа гайхуулж явсан ч загварын тайзаа орхиод багагүй хугацаа өнгөрчээ.
 
Тэрээр "Шилмэл загвар" компанид олон жил багшилсан. Хэдийгээр өөрөө загварын тайзаа орхиж хувийн амьдралаа хөөсөн ч түүний шавь нар болох топ модель О.Уянга, О.Пүрэвдулам, Э.Сэлэнгэ, Б.Гэрэлчулуун гээд одоогийн загварын ертөнцөд цахиур хагалж яваа олон чадварлаг моделиуд байдаг нь түүнийг сайн модель төдийгүй сайн багш байсны илрэл юм.
 

Манлай уяач Пунцагбалжир агсны хүү Энхмөнхтэй нийллээ, саллаа хэмээн байнга шахуу гэр бүлийн асуудлаа олны өмнө дэлгэх нь холгүй байдаг түүнийг ясны загвар өмсөгч гэж үнэлэх хүн олон. Нэгэн үе Германд амьдарч байгаад ирсэн тэрээр топууд дундаа хамгийн урт хөлтэйд нь ордог бас хамгийн хүнд характертайд нь тооцогддог. Наадмын өдрүүдэд бэлтэй хүний бүсгүй болсон гэсэн шиг түүнийхээ хамт хачин их хээ хуар болсон Монгол хувцсаар гоён олны өмнө гарч нүд хужирладаг түүнийг гоо сайхны мэс засалд орсон, ааш муутайдаа Энхмөнхөд гологдов гэхээс өөрөөр тэр бүр цоллоод байдаггүй.  Өдгөө МДХ-д гэрээт загвар өмсөгчөөр ажиллаж байгаа энэ бүсгүй загварын акулуудын дундаас гадаадын дизайнеруудын нүдэнд өртдөг, бас хамгийн олон удаа биедээ мэс хүргэж, гоо сайхандаа анхаарал тавьдаг гэх топ Урнаа шүдээ янзлуулахдаа л зөвхөн 50 сая ногоон үрсэн гэх сураг байдаг. 
Харин тэрбээр үсэндээ зарцуулдаг жилийн төсвөө тооцон гаргахад 8 сая төгрөг болсон гэнэ. 


 

Энэ арван топ дотроос нас нь хэдий бага ч мөнхийн залуу Одгэрэлтэй эн дүйхүйцээр бичигдэх баялаг "намтар"-тай нэгэн. Арван жилийн охин байхдаа ОУ-ын чанартай тэмцээнээс фото мисс өргөмжлөл хүртэн, улмаар алтны магнат Мянганбаярын нүдэнд торж хамтын амьдралаа зохиосон нь түүнийг ийнхүү баялаг түүхтэй болгоход хүргэсэн. Ард түмний мисс Ариунцэцэг хийгээд топ, Мянганбаяр нарын дунд өрнөсөн хайрын түүхийг хэвлэлийнхэн "Хайрын гурвалжингийн романс" гэж хүртэл нэрлээд авсан. Экс нөхрөөсөө хойш Хар хорин захын боссын хүү Цэгцбаатар гэх залуутай, сэтгэлийн холбоотой болсон  ч  тэдний үерхэл таагүй байдлаар өндөрлөж цагдаадаа хүртэл тулсныг бид мэднэ. Харин тэрээр өдгөө охиныхоо хамт аав ээжтэйгээ нам гүмхэн амьдарч байгаа. Загварынхан түүнийг ямар ч хувцсанд хувирч чаддаг жинхэнэ жүжигчин модель гэж үнэлдэг. Өөрөө ч тэрээр СУИС-ийг жүжигчин мэргэжлээр дүүргэж,  "Хувьсал харьяалагдан чамгүй олон бүтээлийн гол дүрийг бүтээн чадварлаг жүжигчин болохоо харуулсан билээ.
Харин сүүлийн үед тэрээр нэгэн телевизийн "Ододтой бүжиглэе" шоугаар сайн бүжигчин болохоо бас харуулаад байгаа билээ. Тэрээр мөн Монголд анх удаа контентийн эротик зураг авахуулах ажлын салхийг хагалан зоригтой алхам хийгээд амжсан. Өнгөрсөн жил зохион байгуулсан хүсэмжит арвын нэгд орж чадсан, өөрийгөө биш хувцсаа харуулж, түүндээ хувирч чаддаг байх ёстой алтан зарчмыг хамгийн сайн баримталдаг топ.Тэрээр хоёр ч охины ээж болж, баян залуутай гэрлэж тайзаа орхиод багагүй хугацааг элээж байна.

Монголын загварын ертөнцийг нэг үе шуугиулж явсан бүсгүй бол топ модель Алимаа юм. 2008 онд Ц.Мянганбаярын нарийн бичгийн даргын алба хашиж байсан түүнийг “Топ”-оор өргөмжлүүлэх үед ихэнх хүмүүс эсэргүүцэж байсан билээ. Улмаар түүний топ хэмээх алдар  “Хамгийн” их эсэргүүцэлтэй тулгарч, хэл аманд өртсөн топ гэж хэлж болно. Учир нь хүмүүс түүнийг Мянганбаярын нарийн бичиг болсноор топ модель авсан гэж ярьдаг. Түүнчлэн тэрбээр одоогоос хэдэн жилийн өмнө Даян аварга А.Сүхбатыг “Цэцгийн үнэр мэддэггүй эрвээхэй, би аваргын оронд байсан бол тийм царай муутай эхнэр авахгүй” хэмээн олныг алмайруулсан ярилцлага өгч шуугиан тарьж байв. Харин аваргын гэргий хариуд нь “Тэр мэтийн хоосон толгойтой хувцас өмсдөг хүүхнүүд миний нөхөрт шүлсээ үсчүүлэх болоогүй”  хэмээн жинтэй дуугарч, амыг нь алгадаж байсан. Хашраагүй Алимаа дараахан нь нууц эрхтнийхээ үсийг хайртай залуудаа зориулж засуулсан гэж бас шуугиулж аваад усанд хаясан чулуу шиг алга болсон билээ. Тэгвэл тэрбээр өдгөө  “Гоёл” наадмаас хойш сагсчин залуутай гэрлэж, хоёр хүүхдийн ээж болж “томоожсон” гэнэ . Өдгөө тэрбээр хувийн үсчин, гоо сайхны салоны эзэн сууж, гэр бүлийн хамт “Баянмонгол” хороололд амар тайван амьдарч байгаа 
 

ХУИС-ийг сэтгүүлч мэргэжлээр төгссөн тэрээр өдгөө магистрын зэрэг хамгаалахаар хилийн чанадад сураад ирсэн.  "Шүрэн бугуйвч" кинонд тоглон, топын шагнал гардан авсан энэ бүсгүй Хятадад болсон Азийн супер модель шалгаруулах тэмцээнд оролцон 10 орны бүсгүйгээс шалгарсан нэгэн. Хөөрхөн ихэр охинтой болсон бүсгүй өдгөө нам гүмхэн амьдарч байна.

Эх сурвалж: Shudarga.mn