Үзэгчдийн дунд “Тусгай салаа” киноны Сүлдийн дүрээр танил болсон жүжигчин А.Алтанхуяагийн өөрөө зохиолыг нь бичиж гол дүрд нь тоголсон “Үндэсний баялаг” кино дэлгэцэнд гараад удаагүй байгаа. Тэгвэл, энэ удаад бид жүжигчин А.Алтанхуягтай ярилцлагынхаа буланг үргэлжлүүлж байна. 

- Таныг “Тусгай салаа”-ны Сүлдийн дүрээр чинь үзэгчид илүү мэддэг. Тэгвэл, тухайн үеийн Сүлдийн дүрээс одоогийн жүжигчин А.Алтанхуягийн хооронд ямар дэвшил бас ялгаа гарсан бэ?

- Тэрнээс хойш таван жил өнгөрсөн байна. Хамгийн анх гол дүрд нь тоголсон. Тэр дүрээр маань хүмүүс намайг танидаг болсон гээд. Олон газар олон хүнтэй танилцаж, олон газар явж үзлээ. Тэр киноны ач буянаар ч гэх юм уу өнөөдөр энэ “Сүлд” энтертайнмент гэдгийг байгууллаа.

Тэгээд бодохоор юмыг их ул суурьтай боддог, уран бүтээлч сэтгэлгээ ч гэх юм уу, илүү чанар тал руугаа хөөдөг бодсон байна. Ер нь ялгаа гэвэл нас явлаа. Уран бүтээлд хандах хандлага өөрчлөгдлөө л гэж хэлнэ дээ (инээв).

- Уран бүтээлд хандах хандлага гэснээс сая “Үндэсний баялаг” кино дэлгэцэнд гарлаа. Энэ киноны зохиолыг өөрөө бичиж гол дүрд нь тоголсон гэж байсан?

- Үндэсний баялаг гэдэг киног ерөнхийдөө болбол, Тусгай салаа кинонд ч тоглохоос өмнө иймэрхүү кино хиймээр санагддаг байсан. За тэгээд маш олон жил бодож тунгааж явсан санаагаа кино зохиол, бүр кино болголоо.

Ер нь яг тохироо бүрдэнэ гэж байдаг. Хэдий хүсэл мөрөөдөл байвч боловсроогүй байж кино хийчихвэл үзэгчдэд яаж хүрэх билээ гэж бодсон болохоор сая энэ оны дөрөвдүгээр сарын 15-нд киноныхоо нээлтийг хийлээ.

Үзэгчдийн зүгээс маш сайхан хүлээж авч байна. Ер нь бол анхны бүтээл гэхэд их чанартай, үзэгчдэд ихийг бодогдуулсан бүтээл болсон гэж бодож байна.

- Тэгвэл, кино зохиолынхоо санааг анх яаж олсон бэ? Энэ киног хийхэд юу хамгийн их нөлөөлөв?

- Энэ амьдралд бид бүхний дунд тэр болгон яригдаад байдаггүй хэрнээ хүн болгоны мэддэг, тэгсэн хэрнээ ярихыг хүсдэггүй нэг сэдэв байна. Энэ нь юу вэ гэхээр эмэгтэйчүүд буруу зам руу алдуурч, амьдралаа шал дэмий зүйлд, тур дундаа хэсэгхэн зуурын эд материаллаг зүйлст амьдралаа маш их зориулж байна.

Энэ явдлыг анх 2008 онд олж хараад түүнээс хойш тувт бодож, сэтгэл эмзэглэж явсаар энэ зохиолынхоо сэдвийг олсон. Ер нь эмэгтэйчүүди яагаад энэ замыг сонгов гээд бодоод байхаар эрчүүд бид нар л ноён нуруутай байж эмэгтэйчүүдээ зөв залж чадахгүй бол эмэгтэйчүүд маань ингэж буруу замруу алдуурдаг юм байна л даа.

- Таны амьдралд ийм зүйл тохиолдсон гэж ойлгож болох уу?

- Ерөнхийдөө миний найз нөхөд, танидаг хүмүүсийн дунд иймэрхүү яриа дэгс, дэгс явдаг байсан. Сүүлдээ ийм зүйл болж байхыг ч нүдээрээ харсан. Тэгээд л охид бүсгүйчүүдийг ийм зүйлрүү битгий татагдаасай, ирээдүйд эцэг эх хүмүүс эндээс хол байгаасай гэсэндээ энэ зүйлрүү эргэлт буцалтгүйгээр орсон. Жаахан ч гэсэн тус нэмэр болж байвал миний кино хийсний зорилго биелж байгаа нь тэр.....Үргэлжлэлийг ЭНД дарж уншина уу