“Ийм нэгэн дурлал” киноны Бүжингийн дүрээр олны танил болсон залуу жүжигчин Б.Баярмааг танихгүй хүн ховор. Авъяаслаг, царайлаг, шинэ цагийн шилдэг жүжигчдийн жагсаалтанд дээгүүрт жагсдаг хөөрхөн бүсгүй гурван хүүхдийн ээж билээ. Олон залуусын харцыг булаасан сайхан бүсгүй маань гурван хүүхдийн ээж болсон ч биеийнхээ галбирыг алдаагүй гуалиг сайхан хэвээр.Өнгөрсөн онд “Playboy Mongolia” сэтгүүлийн “Хамгийн халуухан 10 эмэгтэй″-н тэргүүн байр эзэлсэн жүжигчин Б.Баярмаа Монголын кино урлагт мандаж яваа залуу жүжигчин.
Хамгийн сүүлд “Хуримын сюрприз” УСК-нд дүр бүтээсэн жүжигчин Б.Баярмаа ажлынхаа үеэр гурван охинтойгоо хуримын даашинзтай зараг авахуулж цахим хуудастаа нийтэлжээ. Гэвч Монголчууд бидний нэгнийгээ доош хийж, муулдаг хэсэг нөхөд бусдын нялх үрийг элдэвээр шүүмжлээд авсан. Ямар ч хүний үр хүүхэд эцэг эхдээ л хөөрхөн харагддаг байхад атаархуу зантай хэсэг бүлэг хүмүүс жүжигчин бүсгүйн охидыг элдэвээр гоочилж бичсэнд эмзэглэсэн Б.Баярмаа тайлбар хийжээ. Тэрээр “Жоохон тайлбар хийе гэж бодлоо. Зарим хүмүүс буруу ойлголттой байх шиг байна. Охидуудыг минь тэр өдөр харах хүн олдохгүй зураг авалтандаа аваад явсан. Бас охидууд ихэнхидээ аавыгаа дуурайдаг шүү дээ. Миний хүүхдүүд хичнээн хөөрхөн хайр татам, авьяаслаг, ухаалаг гэж санана. Тиймээс найзуудаа хүүхдүүдийг минь янз бүрээр битгий бодож бичээрэй. Эх хүн болгон л над шиг эмзэглэх байх. Ер нь охин хүүхэд өсч том болох тусмаа улам л үзэсгэлэнтэй болдог шүү дээ. Өөртөө анхаарал тавьдаг л бол ямар ч эмэгтэй үзэсгэлэнтэй″ гэв.
Олны танил хүн, энэ их ажлын хажуугаар гурван охидоо асарч эр нөхрөө халамжилна гэдэг харин ч дайчин хүчтэй эмэгтэйгийн шинж.
Эх сурвалж: Шуурхай.мн
