УИХ энэ долоо хоногт хийх ажлын тов гарчээ. Ирэх пүрэв гаригийн чуулганы нэгдсэн хуралдаанаар Хөдөлмөрийн аюулгүй байдал, эрүүл ахуйн тухай хуульд нэмэлт оруулах, Тэтгэврийн даатгалын шимтгэлийн нэрийн дансны тухай, Төсвийн тогтвортой байдлын тухай, Хөрөнгө оруулалтын тухай хуульд нэмэлт өөрчлөлт оруулах хуулийн төслийг хэлэлцэнэ. Түүнчлэн УИХ-ын гишүүн С.Бямбацогтоос Эдийн засгийн ил тод байдлыг дэмжих тухай болон Эдийн засгийн өршөөлийн тухай хуулийн төсөл хэлэлцэхтэй холбогдуулан Хууль зүйн сайд Д.Дорлигжав болон Сангийн сайд Ж.Эрдэнэбатад тавьсан асуулгын хариуг сонсох юм. Түүнчлэн энэ долоо хоногт Архидан согтуурахтай тэмцэх хуулийн төсөл, Эрүүгийн хэрэг шалган шийдвэрлэх тухай, Шүүхийн шийдвэр гүйцэтгэх тухай хуулийн төслийг шинэчилсэн найруулгыг хэлэлцэхээр төлөвлөжээ.

Ц.АНИР