УДЭТ-ын залуу уран бүтээлчдийн төлөөлөл болж яваа жүжигчин Б.Тамир дэлгэцийн бүтээлд хүч сорьж, авьяас чадвараараа гайхуулахын сацуу шаггүй сайн найруулагч гэдгээ харуулж эхэлсэн. Нэлээдгүй олон жил кино найруулан тайз, дэлгэцийн бүтээлээс “чөлөө” авсан СТА, жүжигчин О.Бат-Өлзий ч хүүгээ энэ төрөлд сайтар бэлтгэж яваа нь дамжиггүй.

Уран бүтээлийн хувьд аз хийморьтой явж байгаа жүжигчин залуу харин хувийн амьдралын тал дээр нэлээд бүтэлгүйхэн байдаг нь ганц үнэн. “Sound of Kiss” хамтлагийн дуучин байсан, өдгөө “Маск” продакшны гэрээт жүжигчнээр ажиллаж буй О.Золзаяаг тэрбээр эхнэрээ болгон хөөрхөн охины эцэг эх болцгоосон цаг саяхан. Гэвч төд удалгүй эхнэрээ төрхөмд нь буцаан “Сити” дээд сургуулийг дөнгөж төгссөн гэх жүжигчин Н.Мөнхсоёлтой учир ургуулсан Б.Тамир энэ харилцаагаа ч олноос нуугаагүй.

Шинэхэн эхнэр нь өөрийн хүү болон жүжигчин Б.Тамирын бяцхан охиныг хамт өсгөж чадна гэдгээ хэвлэлд ам бардам ярьж, хуучин эхнэрийг нь баахан муулаад амжсан удаатай. Харамсалтай нь, энэхүү бардамнал нь удаан үргэлжлээгүй бөгөөд жүжигчин Б.Тамир ч саяхан нэгэн хэвлэлд өгсөн ярилцлагадаа “Анхны амьдрал маань бүтэлгүйтсэн. Харин дараа нь өөр эмэгтэйтэй учирсан. Хамт амьдарч үзлээ, таарахгүй болоод саллаа. Одоо ойрын хугацаанд энэ мэт асуудалд толгойгоо өвтгөмөөргүй байна” хэмээн ярьсан нь бий.

Тэгвэл жүжигчин залуу маань өнгөрсөн долоо хоногт нээлтээ хийсэн “Хар сувдны нууц” киноныхоо гол дүрийн бүсгүйг ээлжит амрагаараа сонгоод байгаа талаар хэвлэлийнхэн шуугиж эхэллээ. Уг дүрд “Монгол модель” агентлагийн загвар өмсөгч Н.Намуунцэцэг гэх авьяаслаг бүсгүй тоглосон бөгөөд жүжигчин хүүхнүүдийн “эрлэг” гэгдээд байгаа Б.Тамирын “ивээлд” багтсанаар ийнхүү нялх амрагаар нь “тодорсон” бололтой. 

Эх сурвалж: Photonews.mn