Хэдэн жилийн өмнө монголчуудыг байлдан дагуулж байсан "Хэцүү анги" олон ангит киноны гол дүр болох Тэмүүний дүрд тоглосон М.Баярбат өдгөө "Фантастик" продакшинд жүжигчнээр ажиллаж буй. Түүний хувьд хамгийн сүүлд "Хар сувдны нууц" кинонд тоглоод байгаа юм. Харин тэрбээр киноныхоо нээлтийн үеэр сэтгэл нь ихэд догдолж, нэгэн нууцхан хүслээ олонд дэлгэлээ. Тодруулбал, жүжигчин залуу хэзээ нэгэн цагт “Оскар”-ын шагнал авна гэж боддог гэнэ. Жүжигчин хүн бүрийн мөрөөддөг шагналыг Баяраа ч бас хүртэхийг үгүйсгэх аргагүй шүү.